Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Konsumimi i produkteve pa pesticide ul rrezikun e kancerit të gjakut me 86%

Politiko 24 Tetor 2018, 17:01
Konsumimi i produkteve pa pesticide ul rrezikun e kancerit të gjakut me 86%

Konsumimi i ushqimit organik, pa pesticide mund të zvogëlojë rrezikun e kancerit deri në 86 %, thotë një studim i ri. Ndikimi më i madh u pa në uljen e rrezikut të prekjes nga limfoma jo-Hodgkin (kancer gjaku) tek ata që shmangën produktet me kimikate, sipas studimit ku morën pjesë rreth 70.000 të rritur francezë.

Në përgjithësi, konsumatorët organikë kishin 25 për qind më pak gjasa për të zhvilluar ndonjë kancer dhe rreziqet e tyre për kancerin e lëkurës dhe të gjirit ranë me një të tretën.

Studiuesit gjetën se përfitimi shëndetësor ishte shumë më i madh tek njerëzit e shëndoshë. "Rezultatet tona tregojnë se konsumi i lartë i ushqimit organik lidhet me një reduktim të rrezikut të kancerit të përgjithshëm", tha autorja kryesore e studimit, Julia Baudry e Qendrës së Kërkimeve në Epidemiologjinë dhe Statistikat në Sorbonë, Paris.

Ajo shpjegoi se gjatë studimit u vërejtën rreziqe të reduktuara për lloje specifike të kancerit, si kanceri i gjirit i postmenopauzës, limfoma jo-Hodgkin dhe të gjitha limfomatet - tek individët me frekuencë më të lartë të konsumit të ushqimit organik.

Sipas saj promovimi i konsumit të ushqimit organik në popullatën e përgjithshme mund të jetë një strategji parandaluese kundër kancerit. Standardet e ushqimit organik nuk lejojnë përdorimin e plehrave sintetike, pesticideve dhe organizmave të modifikuar gjenetikisht dhe kufizojnë përdorimin e medikamenteve veterinare.

Edhe raporti i Autoritetit Evropian të Sigurisë Ushqimore zbuloi se pothuajse gjysma (44 për qind) e ushqimit standard përmban një ose më shumë kimikate, krahasuar me vetëm 6.5 për qind të ushqimit organik.

Të fundit