Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Mark Marku shpëton veten. Për PD, goja e Bashës nuk del...por tepron

Politiko 17 Korrik 2021, 21:53

Mark Marku shpëton veten. Për PD, goja e Bashës nuk del...por

Alfred Lela

Një fjalim i deputetit Mark Marku në Kuvendin Kombëtar të PD është përshëndetur nga disa zëra, në politikë dhe në media, nga neutralët në raport me këtë parti dhe deri ata që kanë një sherr për të mbyllur me të.

Astrit Patozi, një politikan që ka ditur të pasqyrojë urtësi në shumicën e pellgjeve që politika i ka nxjerrë para fytyrës, shkonte deri aty sa të shpallte se fjalimi i Markut e kishte shpëtuar Kuvendin e PD-së.

Ajo që pritet dhe shpresohet është shpëtimi i vetë Partisë Demokratike dhe Kuvendi ‘i jashtëzakonshëm’ dëshmon se ajo është thuajse në kufijtë e të pashpëtueshmes. Fjala e Markut ishte një këmbanë e këtij alarmi.

Marku nuk e shpëton dot PD-në, por me siguri, të shtunën e Kuvendit demokrat ka shpëtuar veten. Ndër ata që kanë marrë diccka (në kuptimin e një vendi deputeti në partinë e Bashës) Marku me sa duket është i vetmi që mund të mendojë, jo me bythë dhe me pasionin e kësaj pjese anatomike për karrigen. Pasë bërë këtë Marku, me inteligjencë është ndarë jo vetëm nga turma e marribabëzisë që ndjek kryetarin e partisë, por edhe nga dyshimi se në vitin 2013, kur u la jashtë listave nga Berisha dhe ai foli për ‘rithemelim’, e bëri këtë se ishte i pakënaqur.

Deputeti i Lezhës në Parlament, me intuitë, sikur ka dashur të arkivojë në histori faktin se ai e paralajmëroi atë që mund të ndodhë me PD pas katër vitesh, duke e lënë të qetë kështu ndërgjegjen intelektuale. Marku tha se, pas katër vitesh, nëse vazhdohet kështu, Kuvendi do të mblidhet sërish për të thirrur ‘humbje dhe vjedhje’.

Por, ndoshta më shumë se ccdo gjë tjetër, Marku ka qenë i trazuar me procedurat false dhe me simulimin e ‘së jashtëzakonshmes’ në një Kuvend që nuk solli asgjë përtej të zakonshmes. Një njohës i orës mësimore, Marku si pedagog e di se një orë leksioni apo seminari ka disa korniza proceduriale të cilat nëse shkelen i humbin kuptimin. Këtë procedurë ai e pa të përdhunuar në Kuvendin e partisë së tij. Recitimi i disa fjalimeve dhe mungesa e debatit, apo edhe mungesa e kryetarit gjatë fjalimeve ishte si të kthyerit përmbys të orës mësimore, ku pedagogu vjen, lexon leksonin dhe lë studentët të dalin para klasës për të folur për leksionin e shkuar. Ndërkohë që vetë është larguar.

Me atë që ndodhi në Kuvend, Marku kuptoi se Basha kryen ritualet, por nuk beson në to. Ai luan tolerantin, por ndërton shpërfillësin. Marku ka kuptuar edhe atë tjetrën, që përbën edhe një ndryshim të madh mes Berishës dh Bashës. Nëse i pari të heq shikimin dhe të përjashton nga punët e partisë, i dyti kërkon të të heshtë duke të përfshirë në to, por duke të lënë pa rol.

Marku, me sa duket, nuk e duron dot pamjen e vetes së tredhur nën një kryetar që tredh partinë dhe thotë se tredhësi është kundërshtari.

Në fund, të shpëtosh veten nuk është pak. PD, si në atë fabulën me burrin që po mbytej dhe i kërkonte ndihmë Shën Kollit, nuk e kupton se, për të dalë në breg duhet të luash këmbë e dorë.

Goja e Bashës, tashmë prej 8 vitesh, nuk del...por tepron.