Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kosova drejt shndërrimit në ‘tokën e minoriteteve’, Sofia kërkesë Prishtinës: Të njihet minoriteti bullgar

Politiko 27 Nëntor 2017, 12:11
Kosova drejt shndërrimit në ‘tokën e minoriteteve’,

Sofia po shfrytëzon aspiratën e vendeve të Ballkanit Perëndimor për t’u anëtarësuar në Bashkimin Evropian që të arrijë disa nga objektivat e saj, kryesisht në njohjen e minoriteteve. Pasi Shqipëria i pranoi kërkesën duke njohur minoritetin bullgar, tashmë kërkesa i është drejtuar Prishtinës.

Petar Haralampiev, kryetari i agjencisë shtetërore për bullgarët, ka deklaruar se do të kërkohet nga Kosova që bullgarëve t’u njihet statusi i minoritarëve. Por ndryshe nga Shqipëria, Haralampiev identifikon si bullgarë komunitetin goran që jeton në Kosovë, por deri më tani njihet si komunitet i veçantë.

Republika e Kosovës njeh pesë minoritete, serbët, turqit, boshnjakët, romët dhe goranët, ndërkohë listës pritet t’i shtohen edhe bullgarët në rast se komuniteti goran nuk pranon shndërrimin në bullgarë, veprim që ka pak gjasa të ndodh për shkak të joshjes me pasaporta të Bullgarisë, vend anëtar i Bashkimit Evropian.

Duke qenë se Sofia merr presidencën e BE-së në gjashtë mujorin e parë të 2018-ës dhe kosovarët po luftojnë për liberalizimin e vizave, presioni mbi Prishtinën do të rritet edhe më shumë.

Por njohja e minoritetit bullgar mund t’i hap probleme Kosovës me një tjetër vend anëtar të BE-së, Kroacinë, që prej vitesh kërkon njohjen e minoritet kroat. Zagrebi mund t’i vendos të njëjtin kusht Prishtinës për liberalizimin e vizave dhe për avancimin në procesin integrues.

Ndërkohë, Mali i Zi refuzon të hap Ambasadën në Prishtinë vetëm për shkak se Kosova nuk pranon të njoh minoritetin malazez. Por tashmë që Podgorica është anëtare e NATO-s dhe është shteti që ka avancuar më shumë drejt BE-së nga shtetet e tjera të Ballkanit Perëndimor, presioni mbi Kosovën do të rritet.

Shumë shpejt, Kosova mund të ketë tetë minoritete të njohura zyrtarisht, të cilat sipas Kushtetutës, kanë vende të garantuara në Kuvend. Deri më tani ky numër është 20-të, por me njohjen e minoriteteve të reja numri i deputetëve duhet të rritet.

Të fundit