Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Kosova hap konkret drejt sigurimit të vaksinës së COVID-19, 300 mijë doza falas nëpërmjet OBSH

Politiko 27 Gusht 2020, 09:46
Kosova hap konkret drejt sigurimit të vaksinës së COVID-19, 300

Kosova ka hedhur një hap konkret drejt sigurimit të vaksinës së COVID-19 duke siguruar 300 mijë doza menjëherë sapo ajo të dalë, nëpërmjet OBSH dhe asosacionit GAVI.

Mediat kosovare shkruajnë se zyrtarët e OBSH-së i kanë garantuar Kosovës vaksinim 20% të popullsisë për COVID-19 sapo të dalë vaksinë.

Ministria e Shëndetësisë do të paguajë 1.2 milionë euro për furnizimin me vaksina të tjera të COVID-19 ndërkohë që plani është për të vaksinuar 70% të popullsisë. 300 mijë dozat e para do i ketë falas.

Janë 172 shtete të botës që janë përfshirë në negociatat për vaksinën, ndërkohë që BE ka lejuar që Ballkani Perëndimor të sigurojë vaksinën nëpërmjet shteteve anëtare me marrëveshje dhe donacione.

Nuk dihet se si Kosova do të sigurojë dozat e tjera por deri tani e ka një garanci nga OBSH.

Aktualisht, në botë janë duke u zhvilluar mbi 100 vaksina potenciale kundër koronavirusit. Njëzetenjë vaksina janë në fazën e provave klinike dhe të gjitha vendet po përpiqen t’i sigurojnë ato.

Vendet më të vogla dhe të varfra në përgjithësi përpiqen të sigurojnë vaksinën përmes skemave të përbashkëta ndërkombëtare, siç është COVAX, e udhëhequr nga OBSH-ja, Koalicioni për Inovacionet e Përgatitjes Epidemike (CEPI) dhe Gavi (Aleanca Globale për Vaksinat dhe Imunizimin).

Deri më tani, 90 vende të varfra i janë bashkuar këtij projekti, dhe 75 të pasura kanë shprehur qëllimin e tyre për ta financuar atë. Sipas OBSH-së, këto shtete së bashku përbëjnë 60 për qind të popullatës botërore.

Kjo iniciativë synon të dërgojë në vendet pjesëmarrëse 2 miliardë doza të vaksinës që miratohet kundër sëmundjes COVID-19, të cilën e shkakton koronavirusi, deri në fund të vitit 2021.

Të fundit