Flash News

Rama porosit rifreskimin e stafeve në bashki, përjashton Tiranën

Dogji 10 ha tokë në Rrogozhinë, arrestohet 41-vjeçari (EMRI)

Rama i heq menaxhimin e ujësjellësave bashkive, paralajmëron sistem të ri të furnizimit të naftës

'Ligji mbi banorët, jo mbi oligarkët': Rama 'show' me shembjet në Theth

Rama nis mbledhjen me deputetët e Tiranës, në takim dhe drejtuesit e bashkisë

Kosova

26 vjet liri! Kosova shënon sot Ditën e Çlirimit

Politiko 12 Qershor 2025, 09:14
26 vjet liri! Kosova shënon sot Ditën e Çlirimit
Foto ilustruese

Kosova ditën e sotme, 12 qershor, shënon 26-vjetorin e Ditës së Çlirimit. 26 vjet më parë, trupat paqeruajtëse të NATO-s hynë në Kosovë pas bombardimeve kundër caqeve ushtarake e policore serbe në Kosovë dhe Serbi.

Sulmet mbi infrastrukturën serbe nisën më 24 mars, dhe zgjatën deri më 10 qershor 1999. Gjatë fushatës 78-ditore, aeroplanët nga 13 shtete anëtare të NATO-s i bënë 38 mijë e 400 fluturime, nga të cilat në 10 mijë e 484 fluturime u bënë bombardime. Nga ajri ishin hedhur gjithsej 26 mijë e 614 projektilë.

Fushata e bombardimeve ajrore ndaj Jugosllavisë u bë për ndaljen e fushatës serbe për spastrim etnik të shqiptarëve në Kosovë.

Me intensifikimin e bombardimeve të NATO-së, forcat ushtarake dhe paramilitare të ish-RFJ-së e nisën një fushatë të egër kundër popullatës civile.

Ndërhyrja e NATO-s në Kosovë kishte krijuar ndasi edhe brenda vendeve anëtare të NATO-s, në lidhje me ekzistimin e së drejtës së ndërhyrjes humanitare në të drejtën e përgjithshme ndërkombëtare.

Bombardimet e NATO-s bënë që Serbia të zbrazej duke pranuar ta nënshkruante Marrëveshjen e Kumanovës me NATO-n, pas së cilës forcat serbe u tërhoqën nga Kosova.

Të fundit