Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Aksidenti tragjik/ Një nga pasagjeret rezulton e zhdukur, familjarët: Nuk është as në spital

Politiko 25 Korrik 2021, 19:07

Aksidenti tragjik/ Një nga pasagjeret rezulton e zhdukur, familjarët:

Një vajzë e cila ndodhej në autobusin që u përfshi në aksidentin tragjik mëngjesin e sotëm në Kroaci, ende nuk ka asnjë kontakt me familjarët. Bëhet fjalë për shtetasen Anjeza Bellanica.

Djali i xhaxhait të saj, Burim Bellanica, thotë se nuk kanë ndonjë informacion se ku ndodhet ajo, pasi e reja nuk gjendet as në spital.

"Zyrtarisht nuk kemi ndonjë informacion. Vëllau është nisë prej Austrisë edhe ka mbërritur aty në spital, kur ka pyetur. Kanë thanë që nuk kemi pacient me këtë emër. Është nisë edhe daja i saj prej Kosovës, ka mbërri mirëpo nuk po e lenë me hy brenda. Kemi thirrë në spitalin e Zagrebit, mirëpo ajo paciente është prej Gjakovës, nuk është Anjeza", ka thënë ai për RTK.

Drejtoria e Mbrojtjes Civile në Ministrinë e Mbrojtjes së Kroacisë ka publikuar një numër telefoni ku mund të merren informacione rreth pasagjerëve që u aksidentuan këtë të diel.

Zëvendëskryeministri kroat Davor Bozinoviq ka thënë se në këtë numër: 00 385 35 201 111 qytetarët mund të kontaktojnë për të marrë informacione.

Po ashtu Ministria e Punëve të Brendshme në Kosovë ka bërë të ditur se qytetarët që kanë nevojë për informata rreth situatës apo gjendjes së familjarëve të tyre të aksidentuar në Kroaci mund të kontaktojnë në numrin +383 (0) 38 200 76 000.

10 viktima dhe 45 të plagosur është bilanci tragjik i aksidenti të sotëm në Kroaci, ku u përfshi një autobus nga Kosova i linjës Frankfurt-Prishtinë. Në bord kishte 67 pasagjerë dhe dy shoferë, ku njëri humbi jetën. Aksidenti i rëndë u regjistrua në qytetin Slavonski Brod, rreth orës 06:20 të mëngjesit

Të fundit