Flash News

Plagosje me thikë në Korçë

Trump pezulloi fondet ndaj SPAK, reagon delegacioni i BE në Tiranë

Lezhë/ Gjendet i vdekur i riu në makinë, dyshimet e para

Institucionet nuk denoncojnë korrupsionin dhe krimin e organizuar

GJKKO dënon me 10 muaj burg "Rrumin e Shijakut"

Kosova

Aktakuza ndaj Naim Murselit dhe 3 të tjerëve, reagon vëllai i Liridonës: Ditë e rëndë për ne

Politiko 15 Janar 2025, 12:00

Aktakuza ndaj Naim Murselit dhe 3 të tjerëve, reagon vëllai i

Prokuroria Themelore në Prishtinë ka bërë të ditur se ka ngritur aktakuzë ndaj katër personave për vrasjen e 30-vjeçares Liridona Ademaj në nëntor të vitit 2023, pas përfundimit të hetimeve.

Në mesin e tyre ishte edhe bashkëshorti i Liridonës, Naim Murseli.

Prokurorja e rastit, Javorka Perlinçeviç, tha se nuk mund të japë shumë detaje rreth aktakuzës, por shtoi se, gjatë kohës që jetonin në Suedi, Liridona dhe Naimi kishin "marrëdhënie të trazuara martesore", si pasojë e të cilave erdhën edhe "problemet pronësore".

"Arsyet e tjera që kishte Naimi për të planifikuar dhe kryer këtë vrasje mund t'i mësoni në gjykatë kur të fillojë seanca kryesore", tha Perlinçeviç.

Pas konferencës së prokurorisë, vëllai i Liridonës, Liridon Ademaj, ka folur për mediat duke thënë se e ka mirëpritur ngritjen e aktakuzës, por shpreson që gjykata të vendosë sa më shpejtë dënim kapital për të akuzuarit.

“E mirëpresim ngritjen e aktakuzës. Në emër të familjes ju falënderoj të gjithëve, prokurorinë dhe hetuesinë. Ne kemi besuar në drejtësi dhe vazhdojmë të besojmë. Ajo që duam ne është që gjykata sa më shpejt të vendosë një dënim kapital që të lehtësojë sado pak zemrat tona dhe të fëmijëve të saj. Nuk e kemi marrë aktakuzën. Fëmijët kanë kuptuar gjithçka. Gjendja e tyre nuk është edhe aq e mirë. Për këtë kujdeset shteti, që e di më mirë me njerëz adekuatë. Por çfarë shohim ne janë shumë të mërzitur. Akoma nuk e kemi lexuar aktakuzën, kur ta lexojmë do ta shohim (motivin). Është ditë e rëndë për ne”, ka thënë ai.

Të fundit