Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Akuzat për krime lufte, Veseli del para tribunalit të Hagës: Deklarohem me bindje të plotë se jam tërësisht i pafajshëm

Politiko 10 Nëntor 2020, 16:10
Akuzat për krime lufte, Veseli del para tribunalit të Hagës:
Në foto: Kadri Veseli para tribunalit të Hagës

Pas Jakup Krasniqit dhe Hashim Thaçit, ditën e sotme ka dalë  para tribunalit të Hagës ish-kryetari i PDK, Kadri Veseli.

Gjatë kësaj seance ish-lideri i UÇK-së është njohur me akuzat për krime lufte dhe krime ndaj popullatës civile në Kosovë.

Gjykata e Hagës i ka bërë me dije 10 akuzat të cilat janë: “Përndjekje si krim kundër njerëzimit; burgosje, krim kundër njerëzimit; ndalim arbitrar, krim lufte; akte të tjera çnjerëzore; trajtim mizor, krim lufte; torturë, krim kundër njerëzimit; torturë si krim lufte; vrasje, krim kundër njerëzimit; keqtrajtimin dhe ndalimin e kundërshtarëve; eliminim të kundërshtarëve”.

Në fjalën e tij pas njohjes me aktakuzën Veseli është deklaruar i pafajshëm.

”Faleminderit i nderuar. I dëgjova dhe i kam lexuar të gjitha pikat. Më lejoni të deklarohem me ndërgjegje të plotë se jam tërësisht i pafajshëm në të gjitha pikat e aktakuzës”, tha Veseli.

Ndërkaq, avokati i ish-kreut të PDK-së, Ben Emmerson ka theksuar se Veseli erdhi në Hagë vullnetarisht dhe se do të kërkojë gjykimin e tij në liri.

"Veseli duhet të prezumohet i pafajshëm për të gjitha akuzat dhe për të gjitha qëllimet. Gjykata do të marrë një kërkim që zoti Veseli do të lirohet. Doja që të shënohet që ndonëse është përmendin fakti që Veseli është arrestuar, ju si gjykatës duhet të dini që Veseli erdhi këtu në Gjykatë në bazë të një marrëveshje për të ardhur vullnetarisht dhe dorëzimi i tij u bë përmes avokatit", tha Emmerson.

Kujtojmë se, seancat e para për ish-drejtuesit e UÇK-së janë vetëm për t’u  njohur me aktakuzën. Në to nuk gjykohet dhe as nuk jepet ndonjë vendim.

Pas Thaçit, Krasniqi dhe Veselit, nesër është radha e Selimit të dal para tribunalit si i akuzuar për krime gjatë luftës në Kosovë.

Të fundit