Flash News

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

Kosova

Ambasadori gjerman i kërkon Kurtit veprim urgjent për formimin e institucioneve: Pa qeveri funksionale, nuk ka heqje të masave

Politiko 10 Prill 2025, 18:28

Ambasadori gjerman i kërkon Kurtit veprim urgjent për formimin e

Një mesazh i qartë dhe i fortë diplomatik ka ardhur nga ambasadori i Gjermanisë në Kosovë, Jorn Rohde, i cili i ka bërë thirrje kryeministrit në detyrë, Albin Kurti, që të veprojë menjëherë për zgjedhjen e Kryetarit të Kuvendit dhe formimin e Qeverisë së re.

Kjo kërkesë u bë gjatë një takimi të zhvilluar në Prishtinë, në një kohë kur Kosova vazhdon të përballet me bllokim institucional pas zgjedhjeve, dhe shqetësimet ndërkombëtare për zvarritjen e proceseve janë në rritje.

Përmes një postimi në rrjetin social Blue Sky, ambasadori Rohde deklaroi:

“Faleminderit për takimin produktiv, Kryeministër! Edhe një herë theksova përpjekjet e vazhdueshme të Gjermanisë për të arritur heqjen sa më të shpejtë të masave ndaj Kosovës. Po ashtu, theksova rëndësinë e zgjedhjes së menjëhershme të kryetarit të Kuvendit dhe formimit të Qeverisë së re.”
Zvarritja në formimin e institucioneve paszgjedhore ka ngjallur shqetësim serioz tek partnerët ndërkombëtarë, sidomos në BE dhe SHBA. Sipas burimeve diplomatike, Gjermania është gjithnjë e më e frustrurar me mungesën e koordinimit në skenën politike kosovare dhe po kërkon që agjendat partiake të mos mbajnë peng jetën institucionale të vendit.

Shtyrja e zgjedhjes së Kryetarit të Kuvendit ka bllokuar formimin e qeverisë së re, duke sjellë një ngërç kushtetues që mund të ndikojë negativisht në marrëdhëniet ndërkombëtare të Kosovës dhe procesin e integrimit evropian.

Gjermania, si një nga mbështetëset kryesore të Kosovës në skenën ndërkombëtare, e ka cilësuar këtë vonesë si të papranueshme, duke paralajmëruar se pa institucione funksionale nuk mund të priten as hapa për heqjen e masave, përfshirë sanksionet e vendosura nga Bashkimi Evropian.

Nga ana e tij, kryeministri në detyrë Albin Kurti e ka shfrytëzuar takimin për të uruar ambasadorin Rohde për përfundimin e suksesshëm të koalicionit qeverisës në Gjermani, duke theksuar rëndësinë e mbështetjes gjermane për Kosovën. Megjithatë, Kurti nuk dha ndonjë zotim konkret për hapat që do të ndërmerren për zhbllokimin e situatës aktuale.

Të fundit