Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Avokati: Borxhet, motivi kryesor që shtyu Naim Murselin drejt vrasjes së Liridonës

Politiko 18 Janar 2025, 21:51

Avokati: Borxhet, motivi kryesor që shtyu Naim Murselin drejt vrasjes
Avokati i familjes së 30-vjeçares së ndjerë, Liridona Ademaj, Leotrim Syla, ka komentuar mbrëmjen e sotme aktakuzën ndaj Naim Murselit, i cili akuzohet si bashkautor në vrasjen e saj.

I ftuar në emisionin “Review” në Euronews Albania, Syla theksoi se motivi kryesor pas krimit lidhet me borxhet që Murseli kishte akumuluar, ndërsa motivi i hakmarrjes është më pak i theksuar.

“Motivi i hakmarrjes është shumë i zbehur në aktakuzë krahasuar me motivin se jeta e tij ishte bërë e padurueshme për shkak të borxheve. Nga aktakuza rezulton se pagesa e borxheve që duhet të bënte Naimi peshonte më shumë,” deklaroi Syla.

Sipas tij, në dokumentet hetimore përmenden borxhe të shumta, përfshirë një kredi bankare për blerjen e një shtëpie dhe detyrime private që arrijnë vlerën e 160 mijë eurove. Prokuroria, sipas avokatit, nuk ka kryer hetime të mjaftueshme për të identifikuar personat ndaj të cilëve Naimi kishte këto borxhe.

“Edhe në deklaratat e të atit, Shaban Murseli, përmendet se këta persona e kanë thirrur në telefon për pagesat. Naimi ka qenë në një situatë urgjente për të përmbushur këto detyrime,” tha Syla.

Avokati përmendi gjithashtu se, përveç borxheve, një tjetër faktor ishte dëshira për t'u çliruar nga stresi martesor. “Mendoj se Naimi e kishte pranuar një mënyrë jetese të tillë. Nëse e ka tradhtuar Liridonën, mund të vazhdonte të jetonte ashtu. Vetëm në rast se donte të lirohej dhe këtë ta bënte shumë lirshëm,” shtoi ai.

Prokuroria pritet të intensifikojë hetimet mbi motivet e krimit dhe rolin e borxheve në këtë ngjarje tragjike.

Të fundit