Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Kosova

BE heq disa nga masat e vendosura ndaj Kosovës, i hap rrugë investimeve dhjetëra milionëshe

Politiko 16 Dhjetor 2025, 22:58

BE heq disa nga masat e vendosura ndaj Kosovës, i hap rrugë

Bashkimi Evropian ka vendosur të heqë disa nga masat e vendosura ndaj Kosovës, duke i hapur rrugë investimeve dhjetëra milionëshe në projekte prioritare.

Vendimi është bërë i ditur përmes një letre të dërguar zëvendëskryeministrit në detyrë, Besnik Bislimi, nga Gert Jan Koopman, drejtor i përgjithshëm për Zgjerim në Bashkimin Evropian.

Në letër thuhet se Komisioni Evropian do të heqë disa masa që lidhen me programimin e fondeve të BE-së dhe kontraktimin e projekteve prioritare.

Koopman ka theksuar se heqja graduale e masave ka nisur në muajin maj, pas përpjekjeve për uljen e tensioneve në veri të vendit. Ai ka përshëndetur transferimin paqësor dhe të rregullt të pushtetit lokal pas zgjedhjeve, si dhe largimin e policisë nga objektet komunale.

Sipas letrës, masat e hequra përfshijnë një paketë prioritare kontratash që mbulojnë katër projekte të mëdha. Është autorizuar lidhja e kontratës për impiantin e ngrohjes qendrore të Prishtinës në vlerë prej 17.6 milionë eurosh, në kuadër të një marrëveshjeje kontributi me Bankën Evropiane të Investimeve.

Po ashtu, 12 milionë euro janë ndarë për ndërtimin e impianteve për trajtimin e ujërave të ndotura në Termocentralin Kosova B, përmes një marrëveshjeje me Zyrën e OKB-së për Shërbime të Projekteve.

Një tjetër marrëveshje në vlerë prej 3 milionë eurosh lidhet me skemën “Young Cell”, e cila përfshin grante direkte përmes Universitetit të Selanikut.

Ndërkohë, 2 milionë euro janë ndarë për mbështetjen e kompanisë për menaxhimin e deponive në Kosovë, në kuadër të një kontrate me Bankën Gjermane për Zhvillim.

Kujtojmë se Bashkimi Evropian kishte vendosur masa ndaj Kosovës në qershor të vitit 2023, si reagim ndaj tensioneve në veri të vendit.

Të fundit