
Nuk ka sinjale të mjaftueshme që konfirmojnë se raporti i Komisionit të përkohshëm për verifikimin e mandateve dhe kuorumit, do të miratohet së shpejti nga deputetët e zgjedhur të Kuvendit të Kosovës.
Miratimi i këtij raporti do të jetë sërish sfidë edhe të shtunën, kur pritet të vazhdojë seanca konstituive e Kuvendit, thonë disa nga deputetët e partive që mandatin e kaluar ishin në opozitë, si dhe njohës të zhvillimeve politike.
Miratimi i këtij raportit i hap rrugë betimit të deputetëve të legjislaturës së nëntë dhe më pas edhe procedurave të tjera që çojnë drejt përmbylljes së konstituimit të përbërjes së re të këtij institucioni ligjvënës.
Lëvizja Vetëvendosje, partia fituese e zgjedhjeve parlamentare të 9 shkurtit, nuk ka dhënë ndonjë sqarim publik nëse do të arrijë ta sigurojë shumicën e nevojshme të votave për miratimin e këtij raporti.
Të premten, Albin Kurti, kreu i Lëvizjes Vetëvendosje, pyetjes së gazetarëve lidhur me këtë çështje i është përgjigjur me pyetje.
“Ajo [çështja e miratimit të raportit] është nesër [të shtunën], apo?” ka thënë Kurti.
Më 15 prill, ditën kur nisi seanca konstituive e Kuvendit, Partia Demokratike e Kosovës (PDK), Lidhja Demokratike e Kosovës (LDK) dhe Aleanca për Ardhmërinë e Kosovës (AAK), kërkuan dorëheqjen formale dhe publike të anëtarëve të Qeverisë në detyrë – që janë zgjedhur deputetë – në mënyrë që raporti të miratohej nga deputetët e tyre.
Po atë ditë, Kurti tha se dorëheqja e tij është efektive që nga 27 marsi, kur ai e njoftoi KQZ-në se “ekzekutivi është në detyrë/dorëheqje”.
Interesimit të Radios Evropa e Lirë se a ka ndonjë ndryshim qëndrimi nga Lëvizja Vetëvendosje, kjo parti nuk i është përgjigjur.
Nga AAK-ja “pro” raportit, LDK dhe PDK kundër
Deputeti i zgjedhur i Aleancës për Ardhmërinë e Kosovës, Bekë Berisha, thotë për Radion Evropa e Lirë se hezitimi për votimin e raportit të Komisionit për verifikimin e mandateve dhe kuorumit, ekziston tek të gjitha partitë parlamentare.
Megjithatë, ai shpreh bindjen e tij se kjo nyje, e cila është krijuar në procesin e konstituimit të Kuvendit, duhet të zgjidhet.
“Duhet ta kalojmë [miratojmë] raportin dhe të hyjmë në temë, pra, të betohen deputetët. Raportin është dashur të kalojmë [qysh në fillim]. Nuk është kjo as garë as kundërshtim”, theksoi Berisha.
Por, Lidhja Demokratike e Kosovës mendon ndryshe. Deputeti i zgjedhur i kësaj partie, Besian Mustafa, thotë se anëtarët e ekzekutivit – të cilët janë zgjedhur dhe certifikuar si deputetë – duhet t’i deponojnë dorëheqjet e tyre në organet e Kuvendit të Kosovës.
“LDK-ja vazhdon të jetë me të njëjtat qëndrime që kanë qenë që nga fillimi i kësaj seancë konstituive. LDK-ja nuk sheh ndonjë rrugë tjetër, përveç asaj ligjore”, thekson Mustafa.
Interesimit të Radios Evropa e Lirë lidhur me këtë çështje nuk i është përgjigjur PDK-ja.
Megjithatë, kreu i kësaj partie, Memli Krasniqi, në një paraqitje për televizionin T7, të enjten, tha se deputetët e PDK-së nuk do të tërhiqen nga qëndrimi i tyre. Ai ka theksuar se në rast se duhet të miratohet raporti në Kuvend, i takon Lëvizjes Vetëvendosje të sigurojë votat e domosdoshme për një gjë të tillë.
Arifi: Opozita ka mundësi “kurthi” ndaj LVV-së
Politologu Dritëro Arifi, profesor në Kolegjin UBT në Prishtinë, thotë se partitë politike parlamentare nuk po tregojnë vullnet politik për tejkalimin e ngecjes në procesin e konstituimit të Kuvendit.
Ai nuk e sheh si problem të madh gjetjen e një zgjidhjeje për këtë çështje nga partitë politike, por sipas tij, ato kanë frikë nga procesi që do ta pasojë konstituimin e Kuvendit, që nënkupton formimin e Qeverisë së re.
Për formimin e ekzekutivit, janë të domosdoshme votat e 61 deputetëve nga 120 sa i ka Kuvendi.
Asnjëra nga partitë nuk e ka shumicën për formimin e Qeverisë dhe, sipas Arifit, as Lëvizja Vetëvendosje dhe as tri partitë, që mandatin e kaluar ishin në opozitë, nuk janë të interesuara ta krijojnë një qeveri të pakicës.
“Në fakt, asnjëra palë nuk po dëshiron, por normalisht që përgjegjësia më e madhe bie mbi partinë fituese [LVV], sepse ata janë që duhet të bashkëpunojnë, të gjejnë zgjidhje. Ata i kanë fituar zgjedhjet për të qeverisur dhe jo për të ikur nga qeverisja. Në një këndvështrim afatgjatë, kjo mund ta dëmtojë më shumë Vetëvendosjen sesa partitë tjera”, thekson Arifi.
Ai shton se tejkalimi i zvarritjes së procesit të konstituimit të Kuvendit, që i hapë rrugë formimit të Qeverisë, do të varet nga vendosmëria e Lëvizjes Vetëvendosje për ta bërë një gjë të tillë, por edhe nga tri partitë tjera, PDK-ja, LDK-ja dhe AAK-ja për ta sfiduar partinë e parë që ajo të shkojë drejt procesit të formimit të ekzekutivit.
Sipas tij, një nga format e zgjidhjes së nyjës në procesin e konstituimit të Kuvendit, është që Lëvizjes Vetëvendosje t’i bashkëngjiten edhe partitë e tjera në votimin e raportit të Komisionit për verifikimin e mandateve dhe kuorumit dhe në konstituimin e Kuvendit në përgjithësi.
“Të dyja palët kanë ngelur në pozicionet e caktuara. Por, nesër [të shtunën], mbase opozita mund të tregohet pak më e zgjuar, që ta fusë në kurth Vetëvendosjen. Pastaj, le të tentojë ajo [Vetëvendosje] që ta formojë Qeverinë. Kjo do të ishte ndoshta betejë më e rëndësishme për opozitën sesa për Vetëvendosjen”, thekson Arifi.
Megjithatë, bazuar në qëndrimet publike të partive politike parlamentare, Arifi nuk pret që të shtunën të tejkalohet ngecja në Kuvend dhe të hapet rruga për betimin e deputetëve.
Sipas tij, kjo situatë do të vazhdojë së paku edhe me dy ose tri vazhdime të seancës konstituive të Kuvendit dhe nëse nuk arrihet zgjidhje, atëherë ai pret përfshirjen e presidentes së Kosovës, Vjosa Osmani, për të gjetur ndonjë zgjidhje.
Ai thotë se është i vetëdijshëm që presidentja Osmani nuk ka mandat kushtetues për të ndërhyrë në çfarëdo forme në procesin e konstituimit të Kuvendit, por sipas tij, “ajo ka mandat për mbrojtjen e rendit kushtetues”.
Kosova, sipas Arifit nuk guxon të mbesë pa institucione dhe në rast se ka një rrezik të tillë, presidentja Osmani duhet të ndërhyjë te partitë politike që ato të gjejnë një zgjidhje për tejkalimin e ngërçit./REL/
Të fundit


I riu përplas për vdekje me makinë të moshuarin në Divjakë
30 Maj 2025, 09:58

Gjermanët kursejnë shumë, por pse?
30 Maj 2025, 09:30


Këmbimi valutor, 30 maj 2025
30 Maj 2025, 08:58

Ilir Alimehmeti ankimon në KAS rezultatin e zgjedhjeve në Tiranë
30 Maj 2025, 08:38

Horoskopi, parashikimi i yjeve për sot
30 Maj 2025, 08:08

Posta e mëngjesit/ Me 2 rreshta: Çfarë pati rëndësi dje në Shqipëri
30 Maj 2025, 07:45
Si do të shpëtojmë nga regjimi? Lubonja: Nuk e ka më fajin Berisha
29 Maj 2025, 22:57



BIRN: Miliardat që mungojnë te rritja ekonomike
29 Maj 2025, 22:14

Vëllai i gjyqtares korruptoi prokuroren, punoi me bandat dhe u kthye në punë
29 Maj 2025, 21:40
Nga Shijaku në Lushnje, Berisha tregon bandat e armatosura që ndihmuan PS
29 Maj 2025, 21:29


Berisha: Pse Rama ia dorëzoi Portin e Durrësit kartelit Troplini
29 Maj 2025, 21:08


KAS vendos hapjen e një kutie në një QV në Vlorë
29 Maj 2025, 20:36



Përplasen 4 makina në Fier, dy persona të lënduar
29 Maj 2025, 19:10








Mbante armë në banesë! Arrestohet një person në Maliq
29 Maj 2025, 16:59
Hamasi merr një propozim të ri nga SHBA-ja për armëpushim
29 Maj 2025, 16:58


BIRN: Kuvendi rinis punën duke i hequr fjalën opozitës
29 Maj 2025, 16:08




Gjethet e arrave, mësoni si t’i përdorni për shëndetin
29 Maj 2025, 15:26
Tiranë/ 33-vjeçari hidhet nga kati i tretë i pallatit
29 Maj 2025, 15:08

Rritja e kredisë për individët nuk ndalet, por frenojnë bizneset
29 Maj 2025, 15:01
Rama u shfaq krah Brok, Berisha: Urimi i Elmar për të është ironi
29 Maj 2025, 14:47
OKB: Sulmet e Rusisë me dronë në Herson të Ukrainës përbëjnë krim lufte
29 Maj 2025, 14:37
Depozitat në lekë në rënie për të dytin muaj radhazi
29 Maj 2025, 14:34

Të përfshirë në trafikun e d*ogës, ekstradohen tre persona drejt Italisë
29 Maj 2025, 14:08

“Dhjetëra fëmijë po vdesin”, ambasadori palestinez shpërthen në lot në OKB
29 Maj 2025, 13:52
Çfarë shohim kur vdesim? Aktivitet i trurit që po vdes jep disa të dhëna.
29 Maj 2025, 13:43
PD mbledh drejtuesit politikë në selinë blu
29 Maj 2025, 13:28

Kontrolle në burgun e Durrësit, kapen 10 celularë, i përdornin të dënuarit
29 Maj 2025, 13:12
Bankat të shqetësuara për çmimet e pronave
29 Maj 2025, 12:58


Deputeti socialist: Shkoj me qejf në burg nëse është blerë një votë
29 Maj 2025, 12:30


PD kërkon 60 minuta debat në seancë plenare: Ndryshoni rendin e ditës
29 Maj 2025, 12:07


Parlamenti i ri/ 82 deputetët që do të mungojnë nga shtatori
29 Maj 2025, 11:26

PD kërkon përsëritjen e zgjedhjeve edhe në qarkun e Tiranës
29 Maj 2025, 11:09



Hetimet për Metën, avokati: SPAK me agjendë politike
29 Maj 2025, 10:30
U dënua me 1 vit burg, Ervin Salianji kërkon liri me kusht
29 Maj 2025, 10:24

Elon Musk largohet nga administrata Trump
29 Maj 2025, 09:54
Aksident në Kurbin/ U përplas nga automjeti, ndërron jetë këmbësori
29 Maj 2025, 09:46

Raporti i Bankës Botërore: 20% e popullsisë shqiptare në varfëri më 2025
29 Maj 2025, 09:31




Shpërthim me tritol brenda rrethimit të burgut të Fushë-Krujës
29 Maj 2025, 08:47
Horoskopi, çfarë kanë rezervuar yjet për ju sot
29 Maj 2025, 08:27
Zjarr në parkun e autobusëve në Lushnjë, shkrumbohen katër prej tyre
29 Maj 2025, 08:12
Parashikimi i motit, si do të ndryshojnë temperaturat gjatë ditës
29 Maj 2025, 08:02
Posta e mëngjesit/ Me 2 rreshta: Çfarë pati rëndësi dje në Shqipëri
29 Maj 2025, 07:48

Zyrtari i PD: Brenda dy ditësh pritet reagim ndërkombëtar për zgjedhjet
28 Maj 2025, 22:43


