Flash News

Kosova dhe Serbia kanë konfirmuar pjesëmarrjen në takimin e 17 shtatorit

Gjobiten 4 klube të Superiores, paralajmërohet dhe Skënderbeu

"Krimi këmbëkryq në qeveri", hetuesit ndërkombëtar konfirmojnë: Rama ndërtoi narkoshtetin

Vrasja e dyfishtë në Roskovec/ Gjykata cakton burg pa afat për Altin Kukën

Evropa Qendrore po përgatitet për përmbytjet më të këqija në vite

Kosova

DASH paralajmëron qeverinë e Kosovës: Veprimet e pakoordinuara rrezikojnë mundësitë e krijuara ndër vite

Politiko 7 Gusht 2024, 22:55

DASH paralajmëron qeverinë e Kosovës: Veprimet e pakoordinuara

Zëdhënësi i Departamentit të Shtetit të ShBA-së, Matthew Miller ka paralajmëruar qeverinë e Kosovës se veprimet e fundit të pakoordinuara mund të rrezikojnë mundësitë që vendi ka krijuar me ndihmën e ShBA-së.

Gjatë një konference për shtyp, Miller u pyet nga një gazetare serbe nëse do të ndërmerren masa kundër kryeministrit Albin Kurti për “shkelje të vijave të kuqe.”


Ai refuzoi të spekulonte mbi veprimet e mundshme në të ardhmen, por theksoi shqetësimin e ShBA-së lidhur me vendimet e fundit të pakoordinuara nga lidershipi i Kosovës. “Besojmë se këto vendime rrezikojnë mundësitë që e kemi ndihmuar Kosovën t’i krijojë,” tha Miller.

Zëdhënësi gjithashtu nënvizoi partneritetin e fortë që ShBA-ja ka pasur me Kosovën që nga shpallja e pavarësisë në vitin 2008, dhe inkurajoi qeverinë e Kosovës të vazhdojë të punojë ngushtë me partnerët e saj ndërkombëtarë.


“ShBA-ja e ka mbështetur fuqishëm integrimin e plotë të Kosovës në komunitetin ndërkombëtar si një demokraci sovrane e multietnike,” shtoi ai.

 

Të fundit