Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Kosova

Drafti për asociacionin, Kurti i përgjigjet Ramës: Nuk pranohen tekste alternative

Politiko 8 Qershor 2023, 18:46

Drafti për asociacionin, Kurti i përgjigjet Ramës: Nuk pranohen

Kryeministri i Kosovës, Albin Kurti, deklaroi gjatë seancës në Kuvend, se për çështjen e asociacionit nuk mund të pranohen tekste alternative nëse palët nuk dakordësohen parimisht.

Edhe pse Kurti nuk përmendi kryeministrin Edi Rama dhe deklaratat e tij se ka një draft për Asosacionin, kryeministri i Kosovës duket se i ka mbyllur derën çdo propozimi tjetër.

Ai tha se draft-vizionin e tij për këtë çështje e ka prezantuar tashmë para ndërkombëtarëve më 2 maj.

“Unë kam prezantuar me 2 maj draft – vizionin. Unë këtë mund të thellojë (vizionin për statutin e Asociacionit), por thellimi i kësaj nënkupton pajtueshmëri në parim. Pra, kur të pajtohemi në parim, përfshirë edhe ato shtyllat që unë i kam thënë në Ohër, atëherë lirisht mund të thellojmë tekstin. Por, nuk mund të shkruajmë tekste alternative ndërmjet të cilëve mund të gjendet një mesatare aritmetikore pa u pajtuar njëherë në parim”- tha ai.

Gjatë seancës së mbajtur në Kuvendin shtoi se draft vizionin e propozuar nga ai në takimin e 2 majit u refuzua nga Brukseli.

“Rrjedhimisht unë kam propozuar një draft vizion për të zbatuar nenin shtatë të marrëveshjes bazike dhe në lidhje me nenin 10, për të cilin nuk kam pranuar së pari aprovimin e palës tjetër dhe më pas edhe të Brukselit zyrtar, i cili vazhdon të konsiderojë këtë çështje të hapur”- deklaroi kryeministri.

Sipas tij, tash e tutje mund të diskutohet në kuadër të dialogut të Brukselit për zbatimin e nenit shtatë të marrëveshjes sipas vizionit të tij të prezantuar në Bruksel, i cili siç tha ai “prezanton shkronjën dhe frymën e Kushtetutës së Republikës sonë, konsensusin trans-atlantik të vlerave demokratike dhe liberal”.

Reagimi i Kurtit vjen në një kohë kur Kryeministri Edi Rama paralajmëroi se ka një draft të tij sekret për Asosacionin.

“Nuk e kam konsultuar dokumentin me Albin Kurtin. Nuk është fati i Albin Kurtit sot në lojë, por i Republikës së Kosovës si e tërë. Dua vetëm suksesin e qeverisë së Kurtit dhe Kosovës, por nuk mund të rrimë më duke parë, kur ajo që shoh duhet ndarë me të gjithë sepse është një kërcënim i madh që nuk i vjen Kosovës nga Serbia por reduktimi i marrëdhënieve me aleatët ku e humbura e madhe është Kosovë. Në kushtet ku marrëdhëniet e aleatëve me Kosovën po marrin tone alternative dhe kur rikthimi në gjendjen e mëparshme rrezikon të marrë një kohë gjithmonë e më të gjatë nëse Kosova dhe uroj dhe lutem që Kosova të mos sanksionohet nga partnerët ndërkombëtarë. Unë jam këtu të ndaj me ju një fakt të panjohur deri më sot. E kam ditur me kohë që nyja gordiane do të ishte deri në fund Asocacioni i komunave me shumicë serbe dhe jam i bindur se asnjëra nga palët nuk e do dhe do të bëjë çmos ta shtyj në pafundësi duke mbajtur krizën me çdo lloj artifice. Besoj se krijimi i Asocacionit është çelësi për të hapur derën e afirmimit ndërkombëtar të Kosovës, e uljes së saj në Kombet e Bashkuara”, deklaroi Rama.