Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Dy vdekjet në komunën e Deçanit, Vitia: Rastet s'kanë lidhje me helmimin

Politiko 13 Korrik 2021, 18:59

Dy vdekjet në komunën e Deçanit, Vitia: Rastet s'kanë

Ministri i Shëndetësisë së Kosovës, Arben Vitia ka deklaruar gjatë një vizite në Deçan se dy rastet e vdekjes nuk kanë lidhje me helmimet e fundit që kanë ndodhur në këtë komunë.

Vitia i ka siguruar qytetarët se autoritetet po bëjnë çmos që situata të vihet nën kontroll. “Dy rastet të cilat ju i referoheni nuk kanë të bëjnë fare me situatën aktuale të krijuar pas helmimit. Kemi përgatitur një listë të barnave e cila me prioritet absolut do të trajtohen nga MSh-ja, jo vetëm për barna nga Lista Esenciale. Por edhe për pajisje, ose çka do tjetër që ka nevojë Komuna”, është shprehur ai.

Sipas ministrit Vitia, analizat e para fiziko-kimike kanë rezultuar në rregull, ndërsa autoritetet do të vazhdojnë gjurmimet për të gjetur edhe shkaqet që çuan në helmimin masiv të banorëve.

“Analizat e para fiziko-kimike kanë dalë në rregull. Tani sapo u informuam nga prof. Naser Ramadani se edhe analizat mikrobiologjike janë në rregull, kështu që kjo lë një hapësirë për të gjurmuar akoma dhe për të gjetur etiologjinë”, tha ai.

Vitia tha se janë angazhuar ekipe shtesë dhe janë ndërmarrë të gjitha masat e nevojshme, në mënyrë që qytetarët të marrin të gjitha shërbimet mjekësore.

“Në ndërkohë përmes Ministrisë së Shëndetësisë janë edhe katër ekipe shtesë nga Prishtina, Prizreni, Gjakova dhe Peja që kanë ardhur sot në komunën e Deçanit që vazhdimisht çdo orë, çdo minutë bashkë personelin dhe stafin shëndetësor këtu të mundohemi të gjejmë shkaktarin. Në anën tjetër sigurova kryetarin, po ashtu edhe personelin që kemi marrë të gjitha masat, qoftë për staf shtesë, qoftë për barna shtesë që të furnizohet QKMF-ja në Deçan dhe qytetarët të marrin të gjitha shërbimet më të mira në këtë situatë të rëndë për të gjithë ne”, tha ai.

Të paktën mbi 1,500 qytetarë të komunës së Deçanit janë helmuar në kushte dhe rrethana ende të paidentifikuara, dhe janë duke marrë shërbimin e nevojshëm mjekësor.

Të fundit