Euro 2024/ Fitorja e Kosovës ndaj Izraelit, Buzhala: Po të kisha mundësi u jepja 5 gola ‘kundërshtarëve’

Kosova ka shënuar fitore me rezultat 1-0 ndaj Izraelit, ndeshje kjo e vlefshme për kualifikimin në Euro 2024.

Megjithatë, Kosova vazhdon të mbetet në pozitën e katërt me dhjetë pikë dhe me gjasat për kualifikim që tashmë janë shuar.

Gazetari i njohur në Kosovë, Berat Buzhala ka bërë një analizë ndryshe të kësaj sfide, duke nënvijëzuar historikun e popullit hebre dhe raportet ndër vite me shqiptarët.

Në një status në rrjetet sociale, Buzhala shkruan se Kosova dhe Izraeli janë historikisht dy popuk të përndjekur dhe të rrethuar nga fqinj armiqësor. Ndaj shpreh mbështetjen për kërkesën e Lulzim Berishës, kryetari i tifozëve “Dardanët” i cili u kërkonte tifozëve të Kosovës që të mos mbajnë qëndrime politike.

Postimi i plotë:

Kurre ne jete na shqiptaret nuk kena pase probleme me popullin hebre. Gjate luftes se dyte boterore i kena ndihmu qaq sa kena mujte. Shqiptaret e Shqiperise ma shume se shqiptaret e Kosoves, ama ne pergjithesi kemi tregu nje humanizem ma te madh se shumica e popujve evropian.

Gjate gjenocidit te shtetit te Serbise ndaj shqiptareve te Kosoves, edhe shteti i Izraelit, qe ne ate kohe e kishte kryeminister Bibi Netanjahun, por edhe figurat ma te njohura hebreje ne bote, u paten rreshtu ne krah te popullit tone.

Elie Ëiesel, i mbijetuar i Holokaustit dhe Nobelist, e ka taku enkas Presidentin Amerikan, Bill Clinton, me e perkrahe popullin e Kosoves. Figura te tjera me prejardhje hebreje, si Albright, Ëesley Clark, Tom Lantos, Berni Sanders etjjjjjjjjj, ishin ne mbeshtetje te madhe te popullit te Kosoves.

Po te isha sonte ne stadiumin Fadil Vokrri me dore ne zemer do ta respektoja hymnin e shtetit te Izraelit, shtet ky qe e njeh pavaresine e Kosoves. Historikisht, ne dhe hebrenjt, kemi qene te perndjekur dhe te rrethuar nga fqinj armiqësor.

Lufta qe po ndodhe ne Gaze eshte e dhimbshme, por eshte tejet e komplikuar qe te shpjegohet me nje baner a me dy fjale. Nuk ka asnje dyshim qe Hamasi po mbeshtetet nga Rusia, Kina dhe Irani - kundershtaret me te eger te shtetit te Kosoves.

E mbeshtes plotesisht udheheqesine e @dardaneve, Lulzim Berisha qe u kerkojne te gjithe tifozeve te Kosoves qe te mos mbajne qendrime politike.

Lojtaret e Izraelit jane miqte tane, jane ne shtepine tone dhe ne besen tone. Ofendimi i tyne dhe hymnit te tyne e shkele me te dy kambet cdo tradite tonen.

Ne anen tjeter, me pase mundesi, ne fushen e gjelber ia kisha dhane Izraelit nja 5 golla