Flash News

Përplasen 4 makina në Fier, dy persona të lënduar

Mbante armë në banesë! Arrestohet një person në Maliq

BIRN: Kuvendi rinis punën duke i hequr fjalën opozitës

Kontrolle në burgun e Durrësit, kapen 10 celularë, i përdornin të dënuarit

Parlamenti i ri/ 82 deputetët që do të mungojnë nga shtatori

Kosova

GSBGJ dënon kërcënimet ndaj Osmanit: Të ndërmerren masa të menjëhershme për mbrojtjen e grave në politikë

Politiko 28 Maj 2025, 15:44

GSBGJ dënon kërcënimet ndaj Osmanit: Të ndërmerren masa

Grupi për Siguri dhe Barazi Gjinore (GSBGJ) ka reaguar ashpër pas kërcënimeve me jetë ndaj Presidentes së Kosovës, Vjosa Osmani, duke i cilësuar ato si një sulm të rëndë jo vetëm ndaj një figure shtetërore, por edhe ndaj vetë demokracisë dhe sundimit të ligjit.

Në një deklaratë publike, GSBGJ shprehet se aktet e frikësimit dhe dhunës ndaj grave në politikë janë të papranueshme dhe përbëjnë rrezik të drejtpërdrejtë për barazinë, stabilitetin dhe funksionimin e institucioneve demokratike.

“Shprehim solidaritet të plotë me Presidenten Osmani dhe rikonfirmojmë mbështetjen tonë të palëkundur për sigurinë, mbrojtjen dhe dinjitetin e të gjithë zyrtarëve publikë, pa dallim gjinie, që shërbejnë me integritet dhe përkushtim. Nuk ka vend për dhunë apo frikësim në shoqëritë demokratike”, thuhet në reagimin e GSBGJ-së.

Grupi i ka bërë thirrje institucioneve shtetërore, partive politike, shoqërisë civile dhe mediave që të ndërmarrin veprime të menjëhershme dhe të koordinuara për të mbrojtur gratë në politikë dhe për të garantuar që ato të kenë mundësi të udhëheqin pa frikë e presion.

Reagimi vjen në një kohë kur rritja e gjuhës së urrejtjes dhe kërcënimeve në hapësirën publike ndaj grave në pozita drejtuese është bërë shqetësim i vazhdueshëm për organizatat që punojnë për barazinë gjinore dhe të drejtat e njeriut.

Të fundit