
Flash News
Hashim Thaçi dhe Smakaj s’deklarohen për akuzat, Fazliu deklarohet i pafajshëm
Ish-presidenti i Kosovës, Hashim Thaçi, dhe ish-udhëheqësi i Agjencisë së Kosovës për Inteligjencë, Bashkim Smakaj, nuk janë deklaruar rreth aktakuzës së ngritur ndaj tyre për ndikimin mbi dëshmitarët. Ndërkaq, veterani i Ushtrisë Çlirimtare të Kosovës, Fadil Fazliu, është deklaruar i pafajshëm.
Thaçi ishte ai që u paraqit i pari para Dhomave të Specializuara në Hagë. Gjatë seancës tha se ai nuk do të deklarohet, pasi nuk e ka lexuar aktakuzën në tërësi.
Në paraqitjen e tij, Thaçi tha se “krejt papritmas para 2-3 ditësh” u njoftua për aktakuzën e re dhe nuk ka pasur kohë që ta diskutojë në thelb këtë dokument me ekipin e tij mbrojtës.
“Krejt papritmas para 2-3 ditësh u njoftova për akuzën e re nga Zyra e Prokurorit të Specializuar. E di se Kosova është në prag të zgjedhjeve të përgjithshme. Por, unë nuk jam pjesë e garës elektorale, unë nuk paraqes rrezik për askënd. Prandaj, kërkoj edhe sot – unë respektoj dhe besoj në Kushtetutën dhe ligjet e Kosovës – nga të gjithë, kudo që jeni ulur, në cilëndo anë apo në çdo uniformë që jeni në këtë sallë të respektohet Kushtetuta dhe ligjet e Kosovës“, tha Thaçi.
Të akuzuarit pranë Dhomave të Specializuara kanë afat që brenda 30 ditësh të deklarohen rreth akuzave që ngrihen ndaj tyre.
“Ende nuk i kam lexuar në tërësi, prandaj duhet t’i lexoj që t’i kuptoj“, tha Thaçi.
Pas deklarimit të Thaçit, gjykatësja kërkoi një pauzë të shkurtër, pasi avokatja e Thaçit kërkoi kohë që t’i japë udhëzime atij.
Pas kësaj, Thaçi sqaroi se kur u pyet fillimisht nga gjyqtarja nëse i ka kuptuar akuzat ndaj tij, ai nuk e kishte kuptuar mirë pyetjen.
Gjykatësja kërkoi nga palët që të vendosin një datë për vetëdeklarimin e Thaçit. Mbrojtja tha se është dakord që më 7 janar 2025, Thaçi të vetëdeklarohet rreth aktakuzës. Gjykatësja Marjorie Masselot tha se më vonë do të lëshojë një vendim për këtë çështje.
Gjatë paraqitjes së parë, që zgjati pothuajse 45 minuta, Thaçi tha se ai, familja e tij dhe shoqëria kosovare presin përfundimin e procesit ndaj tij dhe se pret drejtësi.
Gjykatësja Marjorie Masselot vendosi që Thaçi të qëndronte në qendrën e paraburgimit për shkak të rastit tjetër kundër tij, pavarësisht se avokatja mbrojtëse, Nina Tavakoli, tha se nuk ka rrezik që klienti i tij të arratiset.
Ndaj Thaçit, ish-ministrit të Drejtësisë, Hajredin Kuçi, ish-shefit të Agjencisë së Kosovës për Inteligjencë, Bashkim Smakaj, ish-kryetarit të Malishevës, Isni Kilaj, dhe Fadil Fazliut më 29 nëntor është ngritur aktakuzë e re, e cila është bërë publike më 6 dhjetor.
Në nisje të seancës, gjyqtarja e procedurës paraprake, Marjorie Masselot, bëri përmbledhjen e rastit kundër pesë të akuzuarve dhe ai lexoi të drejtat Thaçit. Ndërkaq, nga Zyra e Prokurorit të Specializuar u lexuan akuzat që rëndojnë ndaj Thaçit dhe katër të akuzuarve të tjerë.
Ndërkaq, në paraqitjen e tij të parë para Dhomave të Specializuara, Bashkim Smakaj, tha se dëshiron të shfrytëzojë periudhën 30-ditore për t’u deklaruar për akuzat ndaj tij.
Ai tha në gjykatë se pas konsultimit me avokatin mori këtë vendim, pasi që pret të marrë edhe materiale shtesë për rastin kundër tij.
Avokati i tij kërkoi lirimin nga paraburgimi dhe tha se Smakaj është i gatshëm të japë garancë 5 mijë euro për lirimin me kusht dhe të dorëzojë pasaportën e tij. Mbrojtja argumentoi se ai nuk paraqet rrezik që të arratiset.
Prokuroria, ndërkaq, tha se nëse Smakaj do të lirohej me kusht, ai do të mund të ndërhyjë te dëshmitarët apo të kryejë vepra të tjera penale.
Gjyqtarja, pas një pauze të seancës, tha se argumentet e mbrojtjes nuk ishin të mjaftueshme për të ndryshuar vlerësimin e saj sa i përket qëndrimit në paraburgim të Smakajt. Ajo tha se ndaj Smakajt qëndron vendimi i saj për paraburgim prej dy muajsh.
Seanca e tretë ishte paraqitja e Fadil Fazliut para Gjykatës në Hagë. Ai tha se para seancës është konsultuar me avokatin e tij dhe u deklarua i pafajshëm për akuzat ndaj tij.
“Kam biseduar edhe me avokatin para një ore. Por, unë jam i pafajshëm, deklarohem i pafajshëm“, tha ai.
Edhe në rastin kundër Fazliut, gjykatësja nuk pranoi argumentet e mbrojtjes për lirimin e tij nga paraburgimi.
Çfarë thuhet në aktakuzën e re?
Në versionin e redaktuar të aktakuzës prej 15 faqesh, thuhet se Thaçi është takuar me katër të akuzuarit e tjerë në qendrën e paraburgimit në Hagë dhe aty pretendohet se ai u ka dhënë udhëzime se si të dëshmojnë dëshmitarët në rastin kundër tij.
Aktualisht në Hagë është duke u zhvilluar gjykimi ndaj Thaçit dhe ish-krerëve të tjerë të Ushtrisë Çlirimtare të Kosovës, Kadri Veseli, Jakup Krasniqi dhe Rexhep Selimi, të cilët akuzohen për krime lufte dhe krime kundër njerëzimit.
Më 5 dhjetor, Kilaj, Smakaj dhe Fazliu u arrestuan dhe një ditë më pas u dërguan në qendrën e paraburgimit në Hagë. Ndërkaq, ndaj Kuçit gjykata ka lëshuar fletëthirrje për t’u paraqitur para Dhomave të Specializuara të Kosovës, me seli në Hagë. Kuçi do të bëjë paraqitjen e parë para gjykatës më 9 dhjetor. Po atë ditë, paraqitjen e parë do ta bëjë edhe Isni Kilaj. Ai ishte paraparë të paraqitej të dielën, por mbrojtja e tij ka kërkuar që seanca të shtyhet për një ditë.
Thaçi akuzohet se bashkërendoi “tri grupe të veçanta” së bashku me Smakajn, Kilajn, Kuçin dhe Fazliun për të ndikuar në dëshmitë e dëshmitarëve të Prokurorisë në rastin kundër tij dhe të tjerëve për krime lufte.
Aktakuza pretendon se veprat penale kundër administrimit të drejtësisë janë kryer nga 12 prilli 2023 deri më 2 nëntor po atij viti, gjatë vizitave jo të privilegjuara në objektin e paraburgimit në Hagë mes Thaçit dhe personave të tjerë të akuzuar.
Në aktakuzën e re, Thaçi ngarkohet me tri akuza për tentativë për pengim të personave zyrtarë në kryerjen e detyrave zyrtare, me anë të pjesëmarrjes në veprimin e përbashkët të një grupi; katër akuza për shkelje të fshehtësisë së procedurës, dhe katër akuza për mosbindje ndaj gjykatës.
Fazliu, Smakaj dhe Kilaj akuzohen për tentativë për pengim të personave zyrtarë në kryerjen e detyrave zyrtare, me anë të pjesëmarrjes në veprimin e përbashkët të një grupi, dhe për mosbindje ndaj gjykatës.
Dhomat e Specializuara të Kosovës deri më tani kanë shpallur dy aktgjykime për pengim në administrim të drejtësisë.
Dy ish-figura të Organizatës së Veteranëve të UÇK-së, Hysni Gucati dhe Nasim Haradinaj, janë dënuar për pengimin e drejtësisë deri tani.
Ndërkohë, Specialja ka shqiptuar edhe dy aktgjykime për krime lufte./REL
Të fundit


VIDEO/ Vuçiç i shpëtoi aksidentit, pamjet kur del nga makina duke folur në telefon
8 Shkurt 2025, 21:31

Tiranë/ Një person tenton të vetëdigjet pranë një karburanti
8 Shkurt 2025, 20:45

Washington Examiner: Edi Rama ka udhëhequr grupe të krimit të organizuar shqiptar
8 Shkurt 2025, 19:59

Berisha niset menjëherë drejt aeroportit pas fjalimit në protestë
8 Shkurt 2025, 19:21
8 shkurt, protesta e opozitës, paraqitja e tubimit nëpërmjet fotove
8 Shkurt 2025, 19:04
Përfundon protesta e opozitës
8 Shkurt 2025, 18:52
Berisha shpalos programin: Pas 11 majit, çdo pensionist do marrë të paktën 200 euro
8 Shkurt 2025, 18:47





Meta “shfaqet” në podium gjatë protestës së opozitës
8 Shkurt 2025, 18:05



Berisha del nga selia e PD, kryedemokrati i bashkohet qytetarëve në protestë
8 Shkurt 2025, 17:32
Zhupa: Sot vendosin qytetarët, janë ata që kanë irritimin më madh ndaj...
8 Shkurt 2025, 17:24
“Sy më sy dhe xhep me xhep”, pankartat në tubimin e opozitës
8 Shkurt 2025, 17:07
Të rinjtë e vlorës mesazh për Ramën: EDVIN, KE MBARUAR!
8 Shkurt 2025, 16:58
Protesta e opozitës/ Demokratët mblidhen tek selia e PD
8 Shkurt 2025, 16:50
Korçë/ Indiani humb jetën në vendin e punës, punonte në një gurore
8 Shkurt 2025, 16:40
Protesta e Partisë Demokratike, 1200 efektivë në terren
8 Shkurt 2025, 16:26
Dalin pamjet e autorit që i vendosi tritol restorantit në Fushë-Krujë
8 Shkurt 2025, 16:17
Protesta/ Rama “lumë” ofendimesh ndaj Berishës: Bufi stërplak i kënetës
8 Shkurt 2025, 15:55



Meta: E gjithë Shqipëria do të jetë sot në këmbë, deri në rrëzimin e regjimit mafioz
8 Shkurt 2025, 14:50


Ra nga skela teksa punonte, humb jetën 60-vjeçari në Tiranë
8 Shkurt 2025, 13:56
Blegtorët e Jugut në protestë: Shteti të rrisë subvencionet
8 Shkurt 2025, 13:37
Aksident në aksin Peqin-Elbasan, tre të plagosur
8 Shkurt 2025, 13:17
Sot në shesh për desoroizimin e Shqipërisë!
8 Shkurt 2025, 13:01

Tentoi të kalonte 16 mijë euro të padekeklaruara, ndalohet 55-vjeçari nga Kosova
8 Shkurt 2025, 12:17
Arrestohet 25-vjeçari në Lushnjë, plagosi me thikë një person
8 Shkurt 2025, 11:56



Lideri suprem i Iranit hedh poshtë mundësinë e bisedimeve bërthamore me SHBA-në
8 Shkurt 2025, 10:40



Zgjedhjet parlamentare në Kosovë, BE kërkon ruajtjen e standardeve
8 Shkurt 2025, 09:39
Fillon votimi në përfaqësitë diplomatike të Kosovës në botë
8 Shkurt 2025, 09:18
Konkurrenca me hotelet dhe informaliteti deri në 50%
8 Shkurt 2025, 09:02

Këmbimi valutor, me sa shiten dhe blihen monedhat e huaja
8 Shkurt 2025, 08:41
Horoskopi, çfarë kanë rezervuar yjet për ju sot
8 Shkurt 2025, 08:25
Mot i kthjellët, por i ftohtë, si pritet të jenë temperaturat sot
8 Shkurt 2025, 08:13
Posta e mëngjesit/ Me 2 rreshta: Çfarë pati rëndësi dje në Shqipëri
8 Shkurt 2025, 08:01
Me temperatura të ulëta, si parashikohet moti në fundjavë
7 Shkurt 2025, 22:54


Mbesa e Ulsi Manjës pronare e landfillit të Bushatit
7 Shkurt 2025, 21:55
Rusia synon ashpërsimin e rregullave për lirim nga shërbimi ushtarak
7 Shkurt 2025, 21:33
Drejtuesit politikë të PD nuk do garojnë në primare, Noka zbardh arsyet
7 Shkurt 2025, 21:24
Përfshihet nga flakët automjeti në Zvërnec
7 Shkurt 2025, 21:07

Humb jetën në spitalin e Durrësit një 11-vjeçar
7 Shkurt 2025, 20:38
Irani paralajmëron SHBA-në: Do t’i përgjigjemi kërcënimeve
7 Shkurt 2025, 20:19
Karen Pierce emërohet emisare e Britanisë së Madhe për Ballkanin Perëndimor
7 Shkurt 2025, 20:17
(Mos) zgjidhja e krizës së mbetjeve të dyshuara toksike në Durrës
7 Shkurt 2025, 19:51

Boksierja algjeriane Imane Khelif përjashtohet nga Kampionati Botëror i Boksit
7 Shkurt 2025, 19:28
Shqipëria mbështet Gjykatën Ndërkombëtare Penale kundër sanksioneve të Trump
7 Shkurt 2025, 19:22



Trump do të flasë me liderët botërorë për të shkurtuar fuqinë punëtore të USAID
7 Shkurt 2025, 18:39
Celibashi kërkesë Kuvendit: Të zgjatet në 30 ditë afati i ankimimeve për diasporën
7 Shkurt 2025, 18:17
Gjirokastër/ Aksidentohet ambulanca, plagoset pacientja që po transportonte
7 Shkurt 2025, 18:04
Korçë/ 29-vjeçari shkon në spital i plagosur me thikë
7 Shkurt 2025, 17:56
Sulmi në Banjskë, BE sërish thirrje Serbisë: Çoni para drejtësisë përgjegjësit
7 Shkurt 2025, 17:45

Marcelo tërhiqet nga futbolli në moshën 36-vjeçare
7 Shkurt 2025, 17:23
Trump vendos sanksione mdaj Gjykatës Ndërkombëtare Penale
7 Shkurt 2025, 17:17


Mjeti përplaset me furgonin në aksin Gramsh-Cërrik, 3 të plagosur
7 Shkurt 2025, 16:40
Alimehmeti: Shqipëria gjendet në mesin e epidemisë gripale
7 Shkurt 2025, 16:33
SPAK si koncension i SOROS!
7 Shkurt 2025, 16:14
A janë shqetësuese kamerat kineze që do t’i vëzhgojnë zgjedhjet në Kosovë?
7 Shkurt 2025, 16:08
Arrestohet gardiani i IEVP Fushë Krujë, tentoi të fuste në burg celularë dhe k*kainë
7 Shkurt 2025, 15:57

Sherr mes adoleshentëve në Sarandë, plagoset 15-vjeçari, identifikohet autori
7 Shkurt 2025, 15:32

Në Shpirag doli Noc Rroku
7 Shkurt 2025, 15:19
Alarmohen banorët! Lumi në Argjentinë kthehet në ngjyrë të kuqe
7 Shkurt 2025, 15:03
Zjarr në një hotel në Sarandë, shkrumbohet kati i parë
7 Shkurt 2025, 15:00
Nagip Krasniqi deklarohet i pafajshëm në akuzën për keqpërdorim
7 Shkurt 2025, 14:49
Goditet një rrjet p*ostitucioni në Vlorë, shpallet në kërkim një ukrainase
7 Shkurt 2025, 14:41
Shqipëria, kopshti sorosian i Europës Juglindore
7 Shkurt 2025, 14:30