Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Kosova

I dërguari i BE-së për dialogun Kosovë-Serbi, Sorensen takim zyrtar në Prishtinë

Politiko 24 Prill 2025, 16:48

I dërguari i BE-së për dialogun Kosovë-Serbi, Sorensen takim

I dërguari i Bashkimit Evropian   për dialogun Kosovë-Serbi, Peter Sorensen ka qëndruar në Prishtinë sot për një vizitë pa paralajmërim, ku është pritur nga zëvendëskryeministri në detyrë i Kosovës, Besnik Bislimi.

Sorensen tha se po qëndron në Prishtinë në kuadër të implementimit të mandatit të tij si i dërguar i BE-së, derisa e quajti vizitën e tij si “një vizitë normale”.

“Vetëm një vizitë normale sikurse të tjerat. Jam i lumtur që jam këtu. Do të vazhdojmë tani për në Beograd dhe pastaj për në Bruksel. Jemi duke punuar dhe kaq”, tha Sorensen.

Javë më parë, shefja për Politikë të Jashtme e BE-së, Kaja Kallas deklaroi se dialogu Kosovë-Serbi ka ngecur dhe do të shohin për normalizim të marrëdhënieve Kosovë-Serbi qoftë përmes dialogut apo ndonjë instrumenti tjetër.

Kallas theksoi se është e gatshme të shqyrtojë këtë çështje bashkë me përfaqësuesin e posaçëm për dialogun, Peter Sorensen.

Për shkak të ngritjes së tensioneve në pjesën veriore të Kosovës, që nga shtatori i vitit 2023 nuk ka pasur asnjë takim të nivelit të lartë midis Kosovës dhe Serbisë në Bruksel, por vetëm bisedime në nivel kryenegociatorësh.

Të fundit