Flash News

Aksidenti në aksin Lushnjë-Berat, vdes shoferi i autobotit me naftë

Autoboti me karburant përplaset me mjetin bujqësor në aksin Lushnjë-Berat, bllokohet shoferi

Lotët e Xhafajt dhe gënjeshtrat e njëpasnjëshme, Salianji publikon dokumentat:11 faktet e thjeshta që nuk fshihen dot

Dronë kamikazë për ushtrinë, Rama: Nuk duhet të shqetësojë askënd se kë do godasë Shqipëria

Erdogan takon Ramën, mbërrin në Kryeministri

Kosova

KFOR-i del me deklaratë për situatën në Kosovë: Beogradi dhe Prishtina të mos nxisin tensione

Politiko 29 Maj 2023, 11:06

KFOR-i del me deklaratë për situatën në Kosovë:

Misioni paqeruajtës i KFOR-it në Kosovë ka dalë me një deklaratë për mediat lidhur me situatën e tensionuar në veri të Kosovës.

KFOR-i i bën thirrje palëve të mos nxisin tensione teksa shton se do të vijojnë të jenë në gatishmëri për të krijuar një mjedis të sigurt dhe të lirë për lërvizjen e të gjitha komuniteteve serbe.

“Mëngjesin e sotëm, misioni i KFOR-it i udhëhequr nga NATO ka shtuar praninë e tij në katër komunat e veriut të Kosovës, pas zhvillimeve të fundit në zonë. Qëllimi i pranisë së KFOR-it është të sigurojë një mjedis të sigurt dhe lirinë e lëvizjes për të gjitha komunitetet në Kosovë, në përputhje me mandatin e tij nga Rezoluta 1244 e Këshillit të Sigurimit të Kombeve të Bashkuara të vitit 1999. Ne u bëjmë thirrje të gjitha palëve të përmbahen nga veprimet që mund të nxisin tensionet ose të shkaktojnë përshkallëzim”, njofton KFOR.

Po ashtu, KFOR kërkon nga Prishtina dhe Beogradi t’i përmbahen dialogur të cilin po e zhvillojnë nën udhëheqjen e Bashkimit Evropian.

“KFOR-i i kërkon Beogradit dhe Prishtinës që të angazhohen në dialogun e udhëhequr nga BE-ja për të ulur tensionet si e vetmja rrugë drejt paqes dhe normalizimit. Ne u bëjmë thirrje të gjitha palëve të përmbahen nga veprimet që mund të nxisin tensionet ose të shkaktojnë përshkallëzim. Në përputhje me mandatin e tij, KFOR-i është i gatshëm të ndërmarrë të gjitha veprimet e nevojshme për të siguruar një mjedis të sigurt në mënyrë neutrale dhe të paanshme. Komandanti i KFOR-it mbetet në kontakt të ngushtë me bashkëbiseduesit e tij kryesorë, duke përfshirë përfaqësuesit e Institucioneve dhe Organizatave të Sigurisë në Kosovë, Shtabit të Përgjithshëm të Forcave të Armatosura të Serbisë, si dhe me misionin e udhëhequr nga BE-ja për Sundimin e Ligjit (EULEX) dhe përfaqësues të tjerë të komunitetit ndërkombëtar”, thuhet në deklaratë.

Të fundit