Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Konfirmon Borrell: Disa muaj më parë pati një propozim për shkëmbim territoresh Kosovë-Serbi

Politiko 23 Nëntor 2020, 17:38

Konfirmon Borrell: Disa muaj më parë pati një propozim për

Përfaqësuesi i Lartë i BE për Punët e Jashtme ka konfirmuar se ka patur një propozim ide për shkëmbim territoresh mes Kosovës dhe Serbisë.

Duke folur për median serbe "Nezavisne novine", zyrtari i lartë i BE deklaron se ky propozim ka ardhur disa muaj më parë, por gjithsesi qartëson se nuk është më një mundësi.

“Zgjidhja për dialog duhet të vijë prej tyre. Ne nuk do ta diktojmë atë. U takon atyre të bien dakord. Ka shtete anëtare të BE-së që kundërshtojnë fuqimisht idenë e zëvendësimit të territoreve. Por, në parim, ajo që duam është të jemi ndërmjetës. Dhe ky është një ndërmjetësues i drejtë.

Ne po përpiqemi ta përmbushim atë rol. Megjithatë, deri më tani gjërat po shkojnë mjaft mirë. Unë drejtova një nga takimet për dialogun midis Prishtinës dhe Beogradit.

Emocionet janë të forta dhe mendoj se është e kuptueshme, sepse dialogu është kërkues dhe i vështirë, i ngarkuar me histori ... Por, do të thosha, deri më tani po shkon mjaft mirë. Dhe, siç thashë, ne duam të jemi ndërmjetës duke ditur se ka disa gjëra për ne që janë të papranueshme si zgjidhje. Disa muaj më parë kishte një propozim për të shkëmbyer territore. Por kjo nuk është më një mundësi”, tha Borell.

Disa ditë më parë, ka pasur një takim me shefat e diplomacisë së vendeve të BE-së, ku u diskutua edhe rezultati i zgjedhjeve presidenciale të SHBA.

I pyetur mbi raportet dhe bashkëpunin me Biden në Ballkan, Borrel shprehet: “Ne presim nga administrata e re një partneritet të fortë me BE në të gjitha çështjet që janë të rëndësishme për ne.

Nuk është konkurrencë. Ne nuk po garojmë me Shtetet e Bashkuara në Ballkan, veçanërisht kur bëhet fjalë për dialogun midis Prishtinës dhe Beogradit. Ju shpesh do të dëgjoni - BE ka ose nuk ka ndonjë rol, etj.

Drejtimi i vetëm është anëtarësimi i Ballkanit në BE. E përsëris, askush nuk do të ofrojë një perspektivë të tillë, përveç nesh. Nëse amerikanët janë atje për të ndihmuar, ne, sigurisht, do ta pranojmë ndihmën, por nuk do të konkurrojmë”.

Të fundit