Flash News

4 ditë pasi ndërhyrjes në një klinikë dentare në Tiranë, vdes në spital 63-vjeçari italian

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Kosova

Kosova dhe Serbia arrijnë marrëveshje në Bruksel, 4 pikat për të cilat u dakordësuan

Politiko 30 Shtator 2021, 12:59

Kosova dhe Serbia arrijnë marrëveshje në Bruksel, 4 pikat

Është arritur marrëveshja mes Kosovës dhe Serbisë në Bruksel për reciprocitetin e targave dhe situatën e tensionuar në veri të saj.

Sipas Gazeta Express,lajmin e ka bërë të ditur vetë Përfaqësuesi Special i Bashkimit Evropian për dialogun Kosovë-Serbi, Miroslav Lajcak i cila ka njoftuar 4 pikat e marrëveshjes për të cilat kanë rënë dakord Serbia dhe Kosova.

Me marrëveshjen e arritur,Kosova dhe Serbia bien dakord për tërheqjen e Njësive Speciale nga Jarinja dhe Bërnjaku, si edhe vendosjen e etiketave ngjitëse deri në momentin që do të arrihet një zgjidhje e përhershme.

Të dy palët janë pajtuar në pikat e mëposhtme:

1. Njësitet speciale të Policisë, që për momentin janë të vendosura në pikat kufitare në Jarinjë dhe Bërnjak, do të largohen bashkë me bllokadat në rrugë, duke nisur nga data 2 tetor, 2021 në orën 8:00, deri jo më vonë se në orën 16:00. KFOR-i do të vendoset në pikat kufitare në Jarinjë Bërnjak, para fillimit të largimit të bllokadave dhe do të qëndrojë mesatarisht dy javë, të ofrojë mjedis të sigurt dhe liri të lëvizjes.

2. Më 4 tetor, në orën 8:00, do të fillojë vendosje e etiketave ngjitëse, sipas dakordimeve në kornizat e dialogut të ndërmjetësuar nga BE-ja, derisa të arrihet një zgjidhje e përhershme.

3. Një Grup Punues – i përbërë nga përfaqësuesit e BE-së, palët e Prishtinës dhe Beogradit dhe e kryesuar nga BE-së – do të krijohet, për të gjetur një zgjidhje të përhershme për targat e automjeteve, të bazuar në praktikat dhe standardet e BE-së. Takimi i parë i Grupit Punues do të mbahet më 21 tetor, 2021, në Bruksel. Gjashtë muaj pas mbledhjes së parë, Grupi Punues do t’i prezantojë të arritura e tij për një zgjidhje të përhershme, te formati i lartë i dialogut.

 

Të fundit