Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Kosova

Kurti letër BE-së: Serbia po shtyp shqiptarët e Luginës së Preshevës

Politiko 11 Shkurt 2025, 19:00

Kurti letër BE-së: Serbia po shtyp shqiptarët e Luginës

Kryeministri i Kosovës, Albin Kurti i ka drejtuar një letër Përfaqësueses së Lartë për Punët e Jashtme dhe Politikën e Sigurisë të Komisionit Evropian, Kaja Kallas.

Përmes saj, Kurti ka denoncuar se shqiptarët e Luginës përballen me shtypje të vazhdueshme nga regjimi serb, përmes politikave që cenojnë të drejtat e tyre politike, administrative, ekonomike, kulturore dhe identitare.

“Gjersa në Kosovë komuniteti serb gëzon të drejta e liri dhe integrohet në të gjitha sferat shoqërore, shqiptarët e Luginës përballen çdo ditë me diskriminim sistematik, pasivizim të adresave dhe spastrim etnik administrativ”, ka theksuar Kurti.

Ai ka ngritur shqetësime për mungesën e përfaqësimit të shqiptarëve në institucionet publike, shëndetësore dhe juridike të Serbisë, si dhe për kufizimet në arsimimin në gjuhën shqipe.

Sipas tij, mbi 10% e shqiptarëve janë fshirë nga listat e votuesve, ndërsa papunësia në zonat e tyre arrin nga 30% deri në 70%, shumë më e lartë se mesatarja kombëtare e Serbisë prej 12%.

Kryeministri ka theksuar gjithashtu se Serbia ka vendosur 48 baza ushtarake pranë kufirit me Kosovën dhe ka caktuar shërbimin e detyrueshëm ushtarak, duke e konsideruar këtë një kërcënim serioz për shqiptarët e Luginës dhe një përpjekje për të shkaktuar shpërngulje masive.

“Represioni sistematik i shqiptarëve në Luginën e Preshevës bie ndesh me vlerat evropiane dhe demokratike. Veprimet e Serbisë janë në kundërshtim me të drejtat e njeriut dhe sundimin e ligjit, prandaj kërkohet një reagim i menjëhershëm nga BE-ja dhe bashkësia ndërkombëtare”, ka shkruar Kurti në letrën e tij drejtuar Kallasit.


 

Të fundit