Kurti nga Lezha: Kushtetutra nuk na lejon bashkimin me Shqipërinë

Kreu i Lëvizjes Vetëvendosje, Albin Kurti deklaron se Kushtetuta e Kosovës nuk lejon bashkimin me Shqipërinë.

Kjo deklaratë e Kurtit vjen nga Lezha, ku merrte pjesë në saj të 577-vjetorit të Besëlidhjes.

Sipas tij, ndonëse një ide e tillë është dëshirë e të gjithë shqiptarëve, për ta arritur duhet shumë kohë.

“Fatkeqësisht Kushtetuta e Kosovës e ka një kundërthënie në nenin 1.1 me nenin 1.3.

Neni 1.1 thotë se Kosova është shtet i pavarur, sovran e demokratik e neni 1.3 na ndalon bashkimin me një shtet tjetër. Në këtë kuptim, pavarësia e Kosovës nuk e lejon në mënyrë kushtetuese bashkimin me një shtet tjetër të pavarur, siç është Shqipëria. Por njëkohësisht paraqet pengesë për integrim të llojit tjetër siç është ai evropian.

Në Kosovë, kur s’kemi ligj për referendum dhe s’e ndryshojmë dot Kushtetutën tregon që duhet të bëjmë më shumë punë e do të kalojë ca kohë deri të arrijmë në atë pikë, por ajo është intenca historike dhe dëshira e shqiptarëve”, është shprehur Kurti.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm