Kurti reagon pas vendimit të KQZ-së: Jam bartës liste që i respekton Kushtetutën dhe ligjet

Kryetari i Lëvizjes Vetëvendosje, Albin Kurti, ka reaguar sërish pas vendimit të KQZ-së ditën e djeshme, për të mos e certifikuar në zgjedhjet e 14 shkurtit.

Gjatë një homazhi tek te varri i ish-presidentit Ibrahim Rugova, në 15-vjetorin e vdekjes, Kurti iu përgjigj pyetjeve të gazetarëve duke thënë se VV ka dorëzuar listën e vet siç është kërkuar.

Kurti shtoi se megjithë vendimin e KQZ-së ai është bartës liste, dhe theksoi se do të respektojë me përpikmëri institucionet dhe Kushtetutën.

 “Ne kemi dorëzuar listën tonë ashtu siç është kërkuar dhe ajo është lista jonë. Para një viti ka qenë në Kosovë ish-ambasadori Grenell, për një darkë me ish-Presidentin, por ai është viti i kaluar, mendoj se institucionet e shtetit duhet të updatehen, në rrethanat e reja ku jemi në prag të zgjedhjeve të 14 shkurtit, zgjedhje këto që kanë ngjallur një entuziazëm të paparë për pjesëmarrje masive të qytetarëve”, deklaroi Kurti. Jam bartës liste i cili i respekton me përpikëri Kushtetutën dhe ligjet të cilët mbrojnë të drejtat e të gjithë neve dhe secilit prej nesh”, ka deklaruar Kurti.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm