Flash News

Berisha: Te hoteli i Veliajt ka pjesë edhe Olsi, pse nuk u arrestua Erioni për djegësin 130 mln euro?

Nesër gjyqi për Veliajn, zbulohet ora kur do të mbahet seanca

Arrestimi i Veliajt, Rama takim me nënkryetarët në Bashkinë e Tiranës

U mor nën hetim nga SPAK, Bushka reagon për herë të parë: Do të jap sqarime

Dikur në fushatë, sot në qeli/ Ja Vip-at shqiptarë që mbrojnë vjedhjen e 850 mijë euro nga Lali Eri

Kosova

Mbyllen gjashtë filiale të bankës serbe në veri të Kosovës

Politiko 20 Maj 2024, 18:48

Mbyllen gjashtë filiale të bankës serbe në veri të

Policia e Kosovës ka konfirmuar mbylljen e gjashtë njësive të “Bankës Postare Kursimore” të Serbisë në veri të vendit.

Policia njoftoi se po zhvillon një operacion në gjashtë lokacione në katër komunat veriore, ndersa zëvendësdrejtori i Policisë në rajonin e Mitrovicës së Veriut, Veton Elshani, ka thënë se aksioni është mbajtur nën dyshimin që disa biznese po zhvillojnë veprimtari të kundërligjshme.

“Policia e Kosovës, pas raportimeve të institucioneve monitoruese financiare, si Njësia e Inteligjencës Financiare dhe Banka Qendrore e Kosovës, së bashku me Administratën Tatimore të Kosovës, bazuar në autorizim të prokurorit kompetent, është duke zhvilluar një operacion policor në gjashtë lokacione të katër komunave në veri të Kosovës, e që janë i ashtuquajturi Trezori i Bankës Postare Kursimore (Banka Postanske Stedionice) dhe pesë filialeve të tjera të saj, që kanë vepruar ilegalisht në këtë zonë të Republikës së Kosovës”, thuhet në njoftimin e Policisë.

“Qëllimi i operacionit policor është vendosja e rendit dhe ligjshmërisë, ku me autorizim të prokurorit kompetent gjashtë njësi të ashtuquajturës bankës postare kursimore ilegale, në veri të vendit janë mbyllur”, thuhet në njoftim.

Për aksionin ka reaguar edhe ministri i Brendshëm, Xhelal Sveçla.

Ai ka thënë se janë mbyllur 6 njësi të ashtuquajturës Bankë Postare e Kursimeve.

“Me qëllim të vendosjes së ligjshmërisë, pas komunikimit dhe kërkesës së institucioneve relevante dhe autorizimit të prokurorit, Policia e Kosovës në bashkëpunim me Administratën Tatimore të Kosovës, në katër komunat në veri të Kosovës ka realizuar sot operacionin e kontrollit dhe mbylljes së 6 njësive të të ashtuquajturës Bankë Postare e Kursimeve (Banka Postanske Stedionica) si institucion i jashtëligjshëm financiar i Serbisë në Republikën e Kosovës”, ka shkruar Sveçla.

Ministri i Brendshëm ka theksuar se sundimi i rendit dhe ligjit, shërbimi ndaj të gjithë qytetarëve pa asnjë dallim do të vazhdojë të jetë qëllimi i Policisë për të cilin janë zotuar në vazhdimësi.

Sakaq, zyrtarët në Serbi kanë dënuar aksionin e Policisë së Kosovës ndaj objekteve të Bankës Postare Kursimore të Serbisë në Kosovë.

Kryeministri i Serbisë, Millosh Vuçeviq, e cilësoi aksionin si “akt barbar që drejtpërdrejt kërcënon mbijetesën e popullit serb” në Kosovë.

“Kujt dhe pse po iu pengon Banka Postare Kursimore? Për shkak të çekut. Serbët në Kosovë janë komuniteti i vetëm në Evropë që nuk mund të operojnë normalisht. A kanë të drejtë ata që të kenë paga dhe pensione? Apo asgjë nuk iu lejohet”, tha Vuçeviq, sipas një njoftimi të Qeverisë serbe.