Flash News

Helmimi masiv në kopshtin e Gramshit, Prokuroria e Elbasanit nis hetimet

Tentuan të vrisnin një 58-vjeçar me sëpatë në Fier, arrestohet babai, në kërkim djali

Shpërthim me lëndë plasëse në një lokal në Berat

Përfshihet nga flakët makina në ecje në aksin Fier-Lushnje

Shuhet në moshën 86-vjeçare regjisori i njohur Piro Milkani

Kosova

Me drogë dhe shpejtësi të lartë, shqiptari humb jetën në një aksident në Itali

Politiko 25 Maj 2025, 14:40

Me drogë dhe shpejtësi të lartë, shqiptari humb jetën

Një 38-vjeçar shqiptar ka humbur jetën mbrëmjen e djeshme në një aksident tragjik në Nettuno, afër Romës, ndërsa po tentonte të arratisej nga patrullat e policisë italiane. Ngjarja ka ndodhur rreth orës 20:30, kur dy automjete kaluan me shpejtësi të madhe përpara dy patrullave të policisë.

Pas ndjekjes, njëri automjet u ndalua shpejt dhe brenda tij u gjet një 26-vjeçar italian, ndërsa patrulla tjetër vazhdoi ndjekjen e një Fiat Cinquecento, i cili u shmang nga rruga kryesore dhe hyri në një segment të dëmtuar dhe pa asfalt.

Makina përplaset me shtyllën dhe kokaina zbulohet pas aksidentit

Në momentin që makina po vazhdonte udhëtimin, një pluhur i madh u ngrit nga rruga dhe policia ngadalësoi për shkak të dukshmërisë së dobët. Pasi kaloi disa metra, automjeti përfundoi përplasur me një shtyllë telefoni dhe u rrotullua. Hetimet e mëvonshme zbuluan një çantë të madhe nga e cila u gjetën 23 paketa me gjithsej 25 kg kokainë.

Autoritetet iu afruan për të ofruar ndihmë, por për shqiptarin, i cili ishte pasagjer në makinën që aksidentoi, nuk mund të bëhej më asgjë, pasi kishte ndërruar jetë në vendngjarje. Hetimet për këtë ngjarje tragjike vazhdojnë.

Të fundit