Flash News

Plagosja e djeshme në Durrës, 36-vjeçari ishte me dy të mitur në makinë kur u qëllua

AMP arreston në flagrancë dy punonjës policie dhe pezullon nga detyra një tjetër

Alarmi për bombë në një hotel në Tiranë, çfarë zbuloi policia

Video/ Alarmi për bombë në parkingun e një hoteli në Tiranë, reagon policia

Të shtëna me armë zjarri në Durrës, një i plagosur

Kosova

Merr fund ngërçi politik, votohet konstituimi i Kuvendit, betohen deputetët e rinj!

Politiko 19 Prill 2025, 14:38

Merr fund ngërçi politik, votohet konstituimi i Kuvendit, betohen

Pas dy dështimeve, këtë të shtunë është konstituuar legjislatura e nëntë e Kuvendit të Kosovës. Raporti i përgatitur ka kaluar në Kuvend, ku janë betuar deputetët e rinj, të dalë nga zgjedhjet parlamentare të 9 shkurtit

Me 119 vota për ka kaluar raporti për verifikimin e mandatave të deputetëve të Kuvendit të Kosovës.

Deputetët e Lëvizjes Vetëvendosje kanë konfirmuar se ka kaluar në komision raporti për verifikimin e mandatit të deputetëve.

Ilir Kërçeli, nga LVV tha se subjektet politike ndryshuan qëndrimi pas u përmenden zgjedhjet.

“Siç duket përmendja e zgjedhjeve ka ndikuar”, tha ai.

Ndërsa, deputeti Dimal Basha tha se subjektet opozitare kanë pasur kauzë të rrejshme.

Kryetari i PDK-së, Memli Krasniqi, ka deklaruar se ka ndryshim të gjendjes dhe është krijuar mundësia për votim të raportit për verifikim të mandatit të deputetëve.

Krasniqi tha se kërkesa e tyre u pranua, dhe se ministrat bashkë me Albin Kurtin kanë dhënë dorëheqje nga pozitat e tyre.

“Kërkesa dhe rekomandimi i PDK-së është pranuar. Të gjithë ministrat dhe Kurti kanë dhënë dorëheqje individualisht. Ka një ndryshim të gjendjes, dhe na krijohet mundësia të votohet raporti për mandate”, tha Krasniqi.

Seanca e parë konstituive u mbajt më 15 prill, por nuk përfundoi me sukses për shkak të mospajtimeve lidhur me raportin e Komisionit për Verifikimin e Mandateve. Në të njëjtën mënyrë dështoi edhe seanca e dytë, e mbajtur më 17 prill, duke i shtyrë edhe më tej procedurat e nisjes së punës së Kuvendit të ri.

 

Të fundit