Flash News

Nesër ditë zie në Kosovë, në nderim të policit të vrarë

Ja momenti kur gjendet i vrarë terroristi serb në veri të Kosovës

Dhunohet një efektiv i forcave ‘Shqiponja’ në Laprakë

Kishte planifikuar vrasjen e 3 personave, arrestohet 41-vjeçari në Pogradec

Të armatosur dhe të maskuar, Kurti nxjerr fotot e grupit që po sulmon Policinë e Kosovës

Kosova

Ministria e Jashtme e Kosovës u kërkon qytetarëve të shmangin kalimin nëpër Serbi

Politiko 1 Qershor 2023, 19:22

Ministria e Jashtme e Kosovës u kërkon qytetarëve të

Ministria e Punëve të Jashtme dhe Diasporës e Republikës së Kosovës (MPJD), u ka drejtuar një thirrje të gjithë qytetarëve që të shmangin kalimin nëpërmjet Serbisë.

Shkak është bërë situata e krijuar në Veri të vendit.

Në njoftimin e kësaj ministrie thuhet se MPJD gjatë ditës ka pranuar raportime për arrestime të qytetarëve të Republikës së Kosovës nga autoritetet serbe përgjatë kalimit të tyre nëpër Serbi, dhe po merret nga afër me rastet nëpërmjet Zyrës Ndërlidhëse në Beograd.

“Marrë parasysh zhvillimet e fundit, dhe duke e njohur qasjen jo korrekte të autoriteteve serbe, me qëllim të shmangies të çfarëdo incidenti, MPJD fton qytetarët që të përdorin rrugë alternative për udhëtim”, thuhet në njoftim.

Protestuesit serbë po kundërshtojnë hyrjen e kryetarëve shqiptarë në ndërtesat komunale. Situata në këto komuna është tensionuar të premten e 26 majit kur kryetarët e betuar janë detyruar të hyjnë në zyrat e tyre të punës nën asistencën e Policisë së Kosovës.

Të hënën (29) protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve.  

 

 

Të fundit