Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

"Ndaj meje dhe popullit tim është bërë një padrejtësi", Krasniqi para Hagës: E gjitha maskaradë e thurur nga Beogradi!

Krasniqi para Hagës: S’jam katolik, as mysliman, por jam shqiptar

Politiko 9 Nëntor 2020, 11:50

"Ndaj meje dhe popullit tim është bërë një

Në foto: Jakup Krasniqi përballë organit të akuzës në Hagë

Nis seanca gjyqësore për ish- kryetarin e Kuvendit të Kosovës, Jakup Krasniqi.

Në fjalën e tij përballë organit të akuzës, Krasniqi i emocionuar ka thënë se ndaj tij dhe popullit të Kosovës është bërë një padrejtësi e madhe me gjenocidin dhe kjo nuk ishte e nevojshme.

Krasniqi e cilësoi aktakuzën ndaj tij për krime lufte dhe krime kundër njerëzimit si maskaradë e iniciuar nga Beogradi dhe përkrahësit e politikave të tij.

“Unë dua të them dy tre çështje dhe do të përpiqem t'i them shkurt.

Së pari, dua të them këtu se unë jam arrestuar me 4 nëntor 2020 në aktakuzë, po na quani ndërmarrje kriminale të përbashkët, kurrë në jetën time në asnjë rast të vetëm nuk i ka trajtuar njerëzit as kaq sa më trajtuar mua nga ndërtesa e burgut deri në këtë ndërtesë, kurrë nuk i kam trajtuar njerëzit në këtë mënyrë. Prandaj, unë jam intelektuar jam njeri që e kam luftuar politikisht serbinë, dhe s'e ka drejtuar gishtin nga popullsia serbe, në aktakuzë i ndani shqiptarët katolikë dhe mysmiman, unë jam shqiptar dhe për mua është fyese.

Cilësimi i Prokurorit se jemi ndërmarrje kriminale e përbashkët, për mua, shokët, familjet që luftuam gjatë për kombin tonë nuk ka gjë me fyese sepse ne në një kohë të gjatë, në rrethana të vështira jetë a vdekje u vumë në shërbim të lirisë, që e arritëm me SHBA e BE, me NATO e OKB dhe të gjithë ishim dhe jemi ndërrmarje e përbashkët Clirimitare dhe shtetformuese.

Kjo ndërmarrje e përbashkët kriminale janë këmbë e krye shtetasit (udhëheqsit) e politikës së Beogradit. Besoj, dhe këtë e besoj shumë, që këtë e di çdo qytetar që është së paku mbi 30 vjeç, i arsimuar në vendet perëndimore që është rritur me vlerat e lirisë dhe demokracisë.

Unë nuk dua të zgjatem shumë por dua të them që kam qenë i denuar në 81-82 dhe më kanë dënuar pse lexoja libra, pse kam folur dhe kundërshtuar këtë regjim, më shumë të drejtë kanë pasur ato atje, sesa sot që gjendem këtu. Dhe më besoni, më shumë të drejtë kanë patur ata atje, sepsa sot që gjendem këtu.

Sepse populli im ka një fjalë: "njeriu është më i fortë se guri dhe atë që s'e bën njeriu e bën guri". Për mua është bërë një padrejtësi e madhe dhe do ta kaloj edhe këtë padrejtësi. Ndaj meje dhe popullit tim janë bërë shumë padrejtësi dhe nuk e kishim të nevojshme këtë. Natyrisht në seancat e tjera doi të them më shumë. S’do ta ndjeja veten mirë që të jem nën shërbimin e politikave serbe.

Unë mendoj se adresa e qartë e gjithë kësaj maskarade është në Beograd dhe tek mbështetësit e politikave të sdaj kudoqofshin ato”, ka thënë në fjalën e tij Jakup krasniqi.