Flash News

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

Posta e mëngjesit/ Me 2 rreshta: Çfarë pati rëndësi dje në Shqipëri

Kosova

“Njohëm edhe një baba tjetër”/ Vajza e Bujar Bukoshit tregon një tjetër dimensionin të ish-kryeministrit

Politiko 12 Qershor 2025, 10:43

“Njohëm edhe një baba tjetër”/ Vajza e Bujar Bukoshit
Në homazhet për Bujar Bukoshin, ish-kryeministrin e parë të Kosovës, i cili u nda nga jeta të martën në moshën 78-vjeçare, vajza e tij Shota Bukoshi ka ndarë me publikun një rrëfim prekës për figurën njerëzore të të atit.

Në një fjalë të ngarkuar me emocion, ajo tregoi se përtej profilit publik si kirurg dhe politikan i vendosur, familja kishte njohur një njeri me ndjenja të thella, të përkushtuar dhe plot dashuri.

“Aq sa ishte i saktë në skalperin e operacionit, aq ishte edhe i drejtpërdrejt dhe i guximshëm në ndjekjen e vizionit për vendin tonë. Po aq ishte mbështetës, plot dashuri dhe me humor kur ishte te ne në shtëpi,” tha ajo.

Shota Bukoshi rrëfeu gjithashtu se vitet e fundit, kur i ati po përballej me një sëmundje të rëndë, ai tregoi një forcë tjetër: atë të luftëtarit që nuk dorëzohet.

“Ne njohëm edhe një baba tjetër: luftëtarin që sfidonte sëmundjen me të njëjtën vendosmëri me të cilën përballonte vështirësitë që i sillte politika. Deri në fund të jetës së tij, ai na tregoi se të luftosh për të jetuar, do të thotë të jetosh si njeri i lirë në mendje dhe të mos tërhiqesh përballë asnjë pengese,” u shpreh ajo.

Ajo falënderoi të gjithë ata që u gjendën pranë familjes Bukoshi gjatë kësaj periudhe të vështirë, duke e quajtur mbështetjen e tyre një ngushëllim në dhimbje.

“Në dhimbjen tonë, është një ngushëllim i madh të shohim se vepra dhe kontributi i tij po vlerësohen,” përfundoi Shota Bukoshi.

Bujar Bukoshi ishte një ndër figurat qendrore të lëvizjes politike kosovare në vitet '90 dhe mbajti detyrën e kryeministrit të Qeverisë së Kosovës në ekzil nga viti 1991 deri në 2000. Vdekja e tij ka lënë pas një trashëgimi të rëndësishme në politikën dhe shoqërinë kosovare.

Të fundit