Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Kosova

Nuk çertifikoi listën e ‘Vetëvendosjes’, Osmani paralajmëron masa për KQZ-në

Politiko 23 Janar 2021, 20:09
Nuk çertifikoi listën e ‘Vetëvendosjes’, Osmani
Presidentja në detyrë e Kosovës, Vjosa Osmani

Presidentja në detyrë e Kosovës, Vjosa Osmani ka reaguar pas situatës së djeshme që u krijua në mbledhjen e KQZ-së, ku disa lista zgjedhore të partive nuk arritën të certifikohen për zgjedhjet e 14 shkurtit.

Osmani e ka quajtur presion mbledhjen e djeshme të KQZ-së.

"Dje u bë presion marramendës ndaj Zyrës për Regjistrimin e Partive Politike dhe Certifikim si dhe u tolerua dhe u ushtrua presion ndaj udhëheqësit të kësaj zyre e cila punon e pavarur politikisht”, tha Osmani.

Ajo ka theksuar se kryetarja e KQZ-së, Valdete Daka, duhet të ruajë integritetin e institucionit që drejton dhe se nuk përfaqëson asnjë parti politike gjatë ushtrimit të kësaj detyre.

“Kryetarja e KQZ-së nuk përfaqëson asnjë parti politike por emërohet pikërisht për të mbrojtur paanshmërinë dhe ndershmërinë e këtij procesi, e detyrë edhe më e rëndesishme e saj është mbrojtja e integrititeti zgjedhor, ajo çfarë ka ndodhur dje e ka lënduar procesin zgjedhor dhe integritetin e KQZ-së, por e kemi detyrë që me çdo kusht ta shpëtojmë këtë proces”, tha Osmani përmes një video të postuar në Facebook.

Ajo shtoi se zgjedhejt duhet dhe do të mbahen më 14 shkurt dhe qytetarët duhet të lejohen të realizojnë të drejtën e tyre kushtetuese dhe të përkrahin këdo që ata duan, duke paralajmëruar se do të marrë masa në rast se përsëriten situata si ajo e djeshmja.

“Në rast se ballafaqohemi me situata të tilla ku abuzohet me KQZ për të shtyrë përpara agjenda partiake, do të detyrohem të marr të gjitha masat për të mbrojtur këtë institucion ashtu siç e parasheh ligji për zgjedhje siç më detyron Kushtetuta e vendit”, deklaroi Osmani.

Të fundit