Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

OSBE kritikon vendimin e KQZ: Refuzimi i Listës Serbe cenon standardet zgjedhore

Politiko 3 Dhjetor 2025, 09:06

OSBE kritikon vendimin e KQZ: Refuzimi i Listës Serbe cenon standardet

Misioni i OSBE-së në Kosovë ka reaguar ashpër ndaj vendimit të disa anëtarëve të Komisionit Qendror të Zgjedhjeve, të cilët refuzuan ose abstenuan nga miratimi i kërkesës për akreditimin e Listës Serbe për zgjedhjet e parakohshme të 28 dhjetorit.

Në një deklaratë publikuar në Facebook, OSBE shprehet se është “thellësisht e zhgënjyer dhe seriozisht e shqetësuar” për mënyrën se si u mor vendimi, duke theksuar se një hap i tillë i mohon një subjekti politik të drejtën për të marrë pjesë në procesin zgjedhor.

Misioni vëren se tensionet politike brenda KQZ-së po ndikojnë drejtpërdrejt në sjelljen e votimit, e cila sipas tyre është udhëhequr nga interesa partiake dhe jo nga standardet ligjore apo parimet demokratike.

“Një sjellje e tillë minon paanshmërinë dhe besueshmërinë që duhet të ketë një organ i pavarur zgjedhor,” theksohet në reagim.

OSBE paralajmëron se këto vendime rrezikojnë të dëmtojnë besimin e qytetarëve në procesin zgjedhor dhe mund të ushqejnë perceptimin se vendimet nuk janë të bazuara në drejtësi dhe gjithëpërfshirje, por në kalkulime politike.

Të fundit