Flash News

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kosova

Osmani pas njohjeve nga Kenia dhe Sudani: Po hyjmë në një fazë të re të njohjeve për Kosovën!

Politiko 13 Prill 2025, 21:26

Osmani pas njohjeve nga Kenia dhe Sudani: Po hyjmë në një

Presidentja e Kosovës, Vjosa Osmani, ka deklaruar se procesi i njohjeve ndërkombëtare të shtetësisë së Kosovës është zhbllokuar pas një periudhe pesëvjeçare stagnimi. Gjatë pjesëmarrjes në Forumin Diplomatik të Antalyas në Turqi, Osmani theksoi se në më pak se një muaj, Kosova ka marrë dy njohje të reja – nga Kenia dhe më së fundmi nga Sudani.

Në një intervistë për Radio Televizionin e Kosovës (RTK), Presidentja Osmani vlerësoi këto zhvillime si një moment të rëndësishëm për diplomacinë e Kosovës, duke theksuar peshën që këto njohje kanë në kontekstin ndërkombëtar. “Bëhet fjalë për dy shtete me ndikim në kontinentin afrikan dhe përtej,” tha ajo.

Ajo shtoi se, përveç njohjeve të reja, Kosova ka forcuar raportet edhe me shtete që Serbia pretendonte se kishin tërhequr njohjen e pavarësisë. “Tashmë, këto shtete i kanë rikonfirmuar marrëdhëniet dypalëshe me Kosovën,” u shpreh Osmani.

Duke folur për procesin e njohjeve, Presidentja theksoi se ai kërkon përkushtim dhe durim afatgjatë. “Ka vende me të cilat kemi punuar për më shumë se një dekadë për të arritur njohjen, dhe kjo e bën çdo sukses edhe më domethënës,” tha ajo.

Sa i përket diskutimeve të brendshme për meritat e këtyre njohjeve, Osmani theksoi se “askush që e merr seriozisht këtë proces nuk duhet ta personalizojë atë”, duke shtuar se këto janë suksese të popullit të Kosovës, të sakrificës kombëtare dhe të punës së përbashkët të institucioneve me aleatët ndërkombëtarë.

Në fund të intervistës, e pyetur për të ardhmen e saj politike, Presidentja Osmani u shpreh se “e ardhmja e individëve nuk ka rëndësi – e rëndësishme është e ardhmja e Kosovës”. Ajo konfirmoi përkushtimin e saj për të vazhduar kontributin në shërbim të vendit.

Të fundit