Flash News

Helmimi masiv në kopshtin e Gramshit, Prokuroria e Elbasanit nis hetimet

Tentuan të vrisnin një 58-vjeçar me sëpatë në Fier, arrestohet babai, në kërkim djali

Shpërthim me lëndë plasëse në një lokal në Berat

Përfshihet nga flakët makina në ecje në aksin Fier-Lushnje

Shuhet në moshën 86-vjeçare regjisori i njohur Piro Milkani

Kosova

Pas 20 dështimesh, sot tentativa e 21-të për konstituimin e Kuvendit të Kosovës

Politiko 25 Maj 2025, 09:51

Pas 20 dështimesh, sot tentativa e 21-të për konstituimin e

Pas plot 20 dështimesh, Kuvendi i Kosovës do të mblidhet sërish këtë të dielë në përpjekjen e radhës për konstituimin e legjislaturës së nëntë, të dalë nga zgjedhjet e 9 shkurtit. Seanca pritet të nisë në orën 11:00, ndërsa mbetet e paqartë nëse do të arrihet ndonjë marrëveshje mes partive politike.

Në seancën e kaluar, më 23 maj, për të 12-ën herë dështoi formimi i komisionit për mbikëqyrjen e një votimi të fshehtë për zgjedhjen e kryetarit të Kuvendit. Propozimi për votim të fshehtë, i paraqitur më 1 maj nga kryesuesi i seancës, Avni Dehari, është tashmë objekt shqyrtimi në Gjykatën Kushtetuese të Kosovës, pas ankesave të partive.

Lëvizja Vetëvendosje vijon të këmbëngulë në kandidaturën e Albulena Haxhiut për postin e kryeparlamentares, pavarësisht mungesës së mbështetjes nga partitë e tjera. Këto të fundit i kanë kërkuar Vetëvendosjes të tërheqë Haxhiun dhe të propozojë një figurë konsensuale për të zhbllokuar situatën.

Pas dështimit të fundit, përfaqësuesit e partive konfirmuan se nuk do të ndryshojnë qëndrimet e tyre. Deputetja e Vetëvendosjes, Donika Gërvalla, akuzoi partitë e tjera për bllokimin e procesit në Kuvend, ndërsa nënkryetarja e PDK-së, Vlora Çitaku, deklaroi se "Kosova po mbahet peng e kryeneçësisë së kryetarit të Vetëvendosjes".

Me palët e ngulitura në pozicionet e tyre dhe pa një zgjidhje në horizont, Kuvendi i Kosovës përballet me një krizë institucionale që rrezikon të zvarritet edhe më tej.

Të fundit