Flash News

SHBA i kërkon Serbisë të tërheqë trupat ushtarake nga kufiri me Kosovën

Milan Radoiçiç dorëhiqet nga posti i nënkryetarit të Listës Serbe

3 atentate në 2 ditë, Rrumbullaku firmos emërime dhe shkarkime për disa drejtues

Berisha: Akti terrorist i falangave Serbe kishte një sfond të parapërgatitur nga Rama dhe Vuçiç

Dyshohet se u vra nga burri, ja çfarë shkruante Klodiana në rrjetet sociale

Kosova

PDK thirrje qeverisë së Kosovës për të ndryshuar qasjen

Politiko 30 Maj 2023, 20:35

PDK thirrje qeverisë së Kosovës për të ndryshuar qasjen

Partia Demokratike e Kosovës i ka bërë thirrje Qeverisë së Kosovës që ta rimendojë qasjen e saj dhe të mos përkeqësojë marrëdhëniet me vendet partnere.

Kjo parti opozitare ka thënë se është thellësisht e zhgënjyer për, siç ka thënë ajo, “veprimet e pakoordinuara të Qeverisë së Kosovës”, të cilat, sipas saj, kanë rezultuar me “ndëshkime të drejtpërdrejta”, duke e përmendur vendimin e Shteteve të Bashkuara që Kosova të mos marrë pjesë në stërvitjet ndërkombëtare “Defender Europe 2023”.

“Ky përjashtim është shenjë konkrete e përkeqësimit të raporteve të Kosovës me SHBA-në dhe NATO-s dhe është paralajmërim për pasoja të tjera, nëse Qeveria e Republikës së Kosovës nuk fillon të sillet në mënyrë të përgjegjshme”.

PDK-ja, mes tjerash, ka kërkuar nga Qeveria dhe Presidenca që të mbledhin Këshillin e Sigurisë Kombëtare.

“Kryesia e Partisë Demokratike të Kosovës vlerëson se situata e krijuar kërkon qasje të përgjegjshme të institucioneve të Kosovës e jo veprime populiste të momentit që mund të sjellin pasoja afatgjata për të ardhmen e vendit”./REL

Të fundit