Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Përfundon takimi trepalësh në Bruksel, s’ka marrëveshje për dinarin

Politiko 25 Mars 2024, 16:15

Përfundon takimi trepalësh në Bruksel, s’ka

Ka përfunduar pa marrëveshje takimi trepalësh në Bruksel midis mes kryenegociatorit të Kosovës, Besnik Bislimit, dhe atij të Serbisë, Petar Petkoviç, nën ndërmjetësimin e të dërguarit të BE-së për dialogun, Mirosllav Lajçak,  për çështjen e dinarit serb, përdorimi i të cilit u ndalua në Kosovë më 1 shkurt.

Pas takimit Bislimi ka shprehur nevojën për një takim shtesë

“Mendimi im është se këto propozime ende janë shumë larg njëra-tjetrës. Pavarësisht përpjekjeve për afrim, duket se është e nevojshme një takim shtesë, i cili ndoshta do të ndodhë javën e ardhshme nëse zoti Lajçak e gjykon të përshtatshëm”, u shpreh Bislimi.

Ai nuk ka dhënë detaje të hollësishme rreth propozimeve të diskutuara në Bruksel, duke shpjeguar se zbulimi i detajeve mund të kishte një ndikim negativ në proces.

“Ne kemi dy propozime. Jemi të vetëdijshëm për fokuset e secilës palë, por në këtë moment është më e mençur të mos zbulojmë detajet për të mos dëmtuar procesin negociator”, u shpreh Bislimi.

Kësaj here nuk ka patur takime të ndara, siç ndodhi javën e kaluar, ndërsa një takim tjetër do të mbahet javën e ardhshme me të njëjtën temë, raportojnë mediat e Kosovës.

Diplomatë perëndimorë i kërkuan Kosovës që të pezullojë rregulloren, për t’iu dhënë kohë qytetarëve të prekur që të përshtaten me praktikën e re, por kryeministri i Kosovës, Albin Kurti ka deklaruar më herët se nuk do të pranohen propozime që janë në kundërshtim me rregulloren e BQK-së.

 

Të fundit