Flash News

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

Kosova

Policia e Kosovës arreston një të dyshuar për kontrabandë me mallra nga Serbia

Politiko 15 Gusht 2024, 12:14

Policia e Kosovës arreston një të dyshuar për

Policia e Kosovës tha të enjten se e ka arrestuar një shtetas serb të dyshuar për kontrabandë me mallra nga Serbia në Kosovë. Në një komunikatë për media, policia tha se zyrtarët policorë dhe doganorë të Kosovës kishin vërejtur dy automjete me targa serbe duke u futur jashtëligjshëm nga fshati Dobrosinë në jug të Serbisë në qytetin juglindor të Kosovës, Gjilan, të enjten pasdite.

Ata pastaj paralajmëruan njësitet e tjera doganore në Graçanicë për mbërritjen e dy automjeteve të dyshuara, ku të dyshuarit nuk i kanë zbatuar urdhrat e zyrtarëve për t’u ndalur dhe, derisa njëri prej tyre u kap, tjetri ia doli të arratiset, sipas njoftimit.

“Dy drejtuesit e automjeteve nuk kanë zbatuar urdhrat e zyrtarëve doganore që ishin me uniformë dhe veturë zyrtare. Është arritur të ndalet vetëm njëra veturë me drejtues të dyshuarin V.B., i moshës 36-vjeçar shtetas i Serbisë. Kurse, automjeti tjetër me drejtues të dyshuarin F.M., ka arritur të ikë në drejtim të panjohur duke shkaktuar disa aksidente”, thuhet në njoftim.

Shtëpia e të arrestuarit në lagjen Hajvali në Prishtinë është kontrolluar nga autoritetet e sigurisë, të cilat kanë gjetur mall si, pajisje elektrike, me origjinë serbe, që dyshohet të jetë futur në në Kosovë përmes kontrabandës, tha policia.

I dyshuari i arrestuar do të mbahet në paraburgim për 48 orë. Në Kosovë është i ndaluar importi i mallrave nga Serbia. Në korrik 2023, Qeveria e Kosovës mori vendim për ndalimin e importit të mallrave nga Serbia, për arsye “sigurie”, kur tre policë të Kosovës u arrestuan nga policia serbe./ REL

 

Të fundit