Flash News

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Kosova

Marrëveshja me SHBA për emigrantët/ Reagon Kurti: Do të strehojmë 50 persona! Si do të bëhet përzgjedhja

Politiko 11 Qershor 2025, 16:42
Marrëveshja me SHBA për emigrantët/ Reagon Kurti: Do të
Albin Kurti

Kryeministri i Kosovës, Albin Kurti ka konfirmuar edhe njëherë bashkëpunimin e Kosovës me Shtetet e Bashkuara të Amerikës, lidhur me pranimin dhe zhvendosjen e përkohshme të shtetasve të dëbuar. 

Përmes një postimi në rrjetet sociale Kurti ka ndarë detaje, teksa shkruan se brenda një periudhe 1-vjeçare Kosova do pranojë dhe strehojë deri në 50 persona. Kurti thotë se përzgjedhja e këtyre personave do të bëhet nga një listë e propozuar, ku duhet të plotësohen kriteret e caktuara lidhur me sundimin e ligjit dhe rendin publik.

Kurti e ka konsideruar SHBA si një aleat të palëkundur, ndërsa shkruan se gjatë qëndrimit në Kosovë, këta shtetas do të veprojnë në përputhje me legjislacionin në fuqi dhe do të gëzojnë të drejtat e përcaktuara po sipas legjislacionit në fuqi.

Postimi i Kurtit:

Si përgjigje ndaj kërkesës së Shteteve të Bashkuara të Amerikës për pranimin dhe zhvendosjen e përkohshme të shtetasve të vendeve të treta, gatishmërinë e shprehur për bashkëpunim me partnerin dhe aleatin tonë, sot e përkthyem në Vendim të Qeverisë, në mbledhjen tonë të 262-të.

Sipas këtij vendimi, shteti ynë brenda një periudhe njëvjeçare do të pranojë dhe strehojë deri në 50 individë me qëllim të lehtësimit të kthimit të tyre të sigurt në vendin e prejardhjes. Përzgjedhja e këtyre personave do të bëhet nga një listë e propozuar, për aq sa ata i plotësojnë kriteret e caktuara lidhur me sundimin e ligjit dhe rendin publik.

Gjatë qëndrimit të tyre në Kosovë, këta persona do të veprojnë në përputhje me legjislacionin në fuqi dhe do të gëzojnë të drejtat e përcaktuara po sipas legjislacionit tonë në fuqi. Shtetet e Bashkuara të Amerikës mbeten aleat i yni palëkundur dhe Republika e Kosovës do të jetë gjithmonë partner i besueshëm i tyre. U jemi përherë mirënjohës për ndihmën dhe bashkëpunimin e vazhdueshëm, dhe e vlerësojmë lartë mbështetjen në mbrojtje e zhvillim, e sidomos në rrugëtimin tonë drejt integrimit Euro-Atlantik.

Të fundit