Flash News

Aksident te Unaza e Madhe në Tiranë, 2 të plagosur

Emri/ Aksident në Fushë-Arrëz, humb jetën shoferi

Kochorashvil ndëshkon kuqezinjtë, Gjeorgjia kalon në avantazh

Hoxha luan titullar ndaj Gjeorgjisë, publikohen formacionet zyrtare të ndeshjes

Berisha: Konservatorizimi në Shqipëri ka rrënjë më të thella, ku qëndrojnë mijëra jetë të sakrifikuara

Kosova

Presidenca e Kosovës i përgjigjet RMV-së për incidentin me Osmanin: Propagandë për qëllime politike

Politiko 9 Gusht 2024, 18:33

Presidenca e Kosovës i përgjigjet RMV-së për incidentin me

Presidenca e Kosovës ka reaguar ndaj raportit të inspektorëve të Agjencisë së Aviacionit Civil (AAC) të Maqedonisë së Veriut, i cili citon se shërbimet e aeroportit kanë vepruar në mënyrë profesionale në rastin e Presidentes së Kosovës, Vjosa Osmani.

Presidencs instiston se në asnjë shtet të botës nuk merret për skanim telefoni i kreut të shtetit dhe se Maqedonia e Veriut ka shkelur rregullat ndërkombëtare me këtë veprim.

“Në asnjë vend të botës, kreut të shtetit nuk i kërkohet ta dorëzojë telefonin për skanim. Ne shtete të tjera nuk kontrollohet as bagazhi personal e as çanta  personale e kreut të shtetit e lëre më telefoni personal,” thuhet në reagim.

AAC maqedonase ka rekomanduar se nëse dikush dyshon në besueshmërinë e standardeve ndërkombëtare, duhet të aplikojë të njëjtën praktikë në një nga aeroportet ndërkombëtare europiane, për t’u siguruar për zbatimin e tyre.

Lidhur me këtë, Presidenca thotë se ka përvojë të mjaftueshme edhe me udhëtime të tjera dhe nuk ka nevojë të provojnë sepse “askund, asnjëherë as çanta personale, as valixhja e as telefoni i kreut të shtetit nuk i janë nënshtruar kontrollit”.

Presidenca ka përsëritur se Osmani e ka vendosur në kontroll çantën e saj dhe ajo e ka kaluar skanerin.

“Çdo deklaratë tjetër është propagandë për qëllime politike. Nuk ka asgjë profesionale në sjelljen e sigurimit që i del përpara kreut të një shteti dhe ia bllokon lëvizjen pasi ta ketë vendosur edhe çantën në skaner”, thuhet më tej.

Të fundit