Flash News

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

PD kryeson në Kavajë ndaj PS

Financial Times / Rama fiton mandatin e katërt: rrezikohet krijimi i një pluralizmi kozmetik

As PS, as PD/ Në Vaun e Dejës forcë e parë shpallet partia e Tom Doshit

Kosova

Presioni ndaj Kurtit/ Eksperti austriak thirrje Amerikës: Anëtarësoni Kosovën në NATO, ndryshe s’funksionon

Politiko 28 Janar 2023, 20:52

Presioni ndaj Kurtit/ Eksperti austriak thirrje Amerikës:

Ndërkombëtarët kërkojnë me çdo kusht krijimin e komunave me shumicë serbe në Kosovë. Për këtë çështje ka folur eksperti austriak, Gunther Fehlinger. Ky i fundit tha se për Kosovën është i rëndësishëm anëtarësimi në NATO, duke theksuar se pa këtë hap, asgjë nuk është e pranueshme.

“Më e rëndësishmja për Kosovën është anëtarësimi i saj në NATO. Nëse NATO ofron anëtarësim për Kosovën, mund të ketë një kompromis për asociacionin dhe një marrëveshje pa njohje nga Serbia. Por, pa anëtarësimin në NATO asnjë marrëveshje nuk është e mundur apo e pranueshme për Kosovën”, deklaroi eksperti austriak.

Ndaj ky i fundit, kërkoi nga Amerika që ta anëtarësojë Kosovën në NATO dhe t’i jap fund përpjekjeve për zbutjen e Serbisë, pasi që një metodë e tillë nuk ka funksionuar as në të kaluarën e as tani nuk do funksionojë.

“Nëse SHBA-ja dëshiron një marrëveshje, anëtarësimi i Kosovës në NATO është zgjidhja dhe është e lehtë për SHBA-në, kjo pasi e kanë për detyrim sigurinë e Kosovës që nga viti 1999 përmes KFOR-it.

SHBA-së i duhet vetëm t'i japë fund zbutjes së Serbisë dhe kjo është e qartë se nuk ka funksionuar që nga viti 1991 e deri më tani dhe nuk do të funksionojë kurrë”, shtoi eksperti austriak, Gunther Fehlinger për “Bota sot”.

 

 

 

Të fundit