Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Qeveria e Kosovës refuzon projektin amerikan për gazin natyror, Albin Kurti vendos kushte

Politiko 17 Shtator 2021, 21:10

Qeveria e Kosovës refuzon projektin amerikan për gazin natyror, Albin

Qeveria e Kosovës ka refuzuar projektin amerikan për gazin natyror.

Mediat në Kosovës shkruajnë se qeveria Kurti ka njoftuar qeverinë amerikane se po e refuzon përfundimisht projektin investiv që do ta lidhte Kosovën me gaz-përçues.

Ndërkohë, gazeta Express ka mësuar se Albin Kurti ka vënë kushte që nuk kanë mundur të realizohen.

 Projekti për ndërtimin e infrastrukturës për sjelljen e gazit amerikan është diskutuar mes qeverisë së Kosovës dhe agjencisë amerikane Sfidat e Mijëvjeçarit(MCC), për të cilin projekt MCC-ja  ka siguruar rreth 200 milionë dollarë.

Ndërkaq, sot ministrja e Ekonomisë, Artane Rizvanolli në një konferencë për mediat tha se si qeverisë i duhet kohë që të vendosë lidhur me projektin amerikan të gazit pasi nuk dihet kosto totale financiare.

“Në veçanti janë disa çështje, të cilat kërkojnë qartësim, siç janë financat, dhe ta dijmë se cila do të ishte kosto totale, kush do t’i financonte, kush do ta ndërtonte termocentralin, e që është thënë se do të ndërtohej me partneritet publiko-privat. Poashtu do të duhej të merrnim kredi në shumë të mëdha për përfundimin e projektit, të cilat do t’i paguanin konsumatorët. Vendimet nuk do të merren pa e ditur se sa do të kushtojë dhe pa e ditur se sa do të jetë çmimi që do të paguajë konsumatori për energji”, tha Ministrja Rizvanolli.

Administrata e Presidentit Biden më 2021 kishte futur edhe Kosovën në buxhetin e agjensionit federal MCC, ku ishte paraparë që Kosova të përfiton 200 milionë dollarë të pakthyeshme për të ndërtuar gaz-përquesin në drejtim të Maqedonisë Veriore dhe Greqisë, ku pastaj do të lidhej më rrjetin TAP (Trans-Adriatic Pipeline) apo me burime tjera.

Projekti i gazsjellësit amerikan ishte  pika kryesore e diskutimeve mes të Qeverisë amerikane dhe Qeverisë së Kosovës prej disa muajsh, ndërsa edhe Qeveria e Greqisë kishte shprehur dëshirën të ndihmonte Kosovën në këtë projekt.  

Të fundit