Kosova

Ramush Haradinaj flet hapur: BE duhet t’ja shtrinte dorën Kosovës, tre veprimet që presim

Ramush Haradinaj flet hapur: BE duhet t’ja shtrinte dorën

Ish-kryeministri Ramush Haradinaj tha se në kohën kur lufta e UCK-së, vihet në dyshim, kur lidershipi i Kosovës po përballet me akuza në Hagë e kur ka plot probleme të brendshme, përfshi këtu edhe pandeminë, Bashkimi Europian nuk duhet të qëndronte indiferent, por duhet ti shtrinte dorën Kosovës.

Ai renditi disa veprime konkrete si, liberalizimi i vizave, njohja e plotë dhe statusi i kandidatit, statusi i kandidatit.

"Në këtë kohë besoj se BE duhet t’ja shtrinte dorën Kosovës me disa veprime konkrete, që përpos ndihmës që na jep me gjykatën, këtë ndihmë na e jep edhe Amerika edhe BE, se ata thonë se ne po ju ndihmojmë ju me vendos të drejtën me shqyrtu këto çështje të së kaluarës.

Ok, ju po na jepni këtë ndihmë, po a mundeni me na dhënë edhe një ndihmë tjetër, që si Kosovë ne të përballojmë këtë gjendje pa pasojë të brendshme. Cilat mund të ishin veprimet e BE-së të cilat mund t’i kishte dhënë menjëherë, psh: liberalizimi i vizave, për qytetarët e Kosovës. Jemi të vetmit në kontinent që nuk e kemi të drejtën e lëvizjes së lirë, jemi të izoluar.

Njohjen nga pesëshja e BE-së që nuk e kanë njohur Kosovën. Ju e shihni kishte mjaft kritika për administratën e Presidentit Trump, për marrëveshjen e 4 shtatorit, por ajo solli njohjen e Izraelit e mendojmë që BE duhet të na ndihmojë për të na njohur pesëshja e vendeve që nuk e kanë njohur Kosovën, sepse në këtë mënyrë ia lehtëson Serbisë mërrëveshjen me Kosovën. Kur na njeh Greqia, Qipro, Rumania, Sllovakia e Spanja është më lehtë për Serbinë me njoft Kosovën. Argumentet i ka më të lehta për qytetarët e vet për me njoft Kosovën, e kështu i jepet Kosovës kandidatura.

Pra, liberalizimi i vizave, njohja e plotë dhe statusi i kandidatit, statusi i Kandidatit është një fazë shumë e hershme e nisjes së rrugëtimit drejt BE. Pra, BE mendoj që duhet të na japë këto tri të drejta, por që do ndihmonin edhe menaxhimin e gjendjes së brendshme në të cilën ndodhemi tani si vend", u shpreh Haradinaj për “Kjo Javë”.

Ditari politik

Të fundit