Flash News

Rinisin tensionet në veri të Kosovës, policia hedh gaz lotsjellës, forca të shtuara të KFOR

Posta e mëngjesit/ Me 2 rreshta: Çfarë pati rëndësi dje në Shqipëri

Fitoi zgjedhjet presidenciale në Turqi, reagon Erdogan: Mirupafshim Kemal

Përfundon numërimi i votave, Erdogan rizgjidhet President i Turqisë për 5 vitet e ardhshme

Lëviznin në qytet pas thyerjes së masës së sigurisë, kapen 2 të rinjtë të dënuar për drogë e armë

Kosova

Spanja mirëpret marrëveshjen me Serbinë, por nuk ndryshon qëndrim: Pavarësinë e Kosovës nuk e njohim

Politiko 30 Mars 2023, 17:53

Spanja mirëpret marrëveshjen me Serbinë, por nuk ndryshon

Shumë shtete e kanë njohur pavarësinë e Kosovës të shpallur në vitin 2008, por ka nga ato që nuk e njohin dhe që janë pjesë e Bashkimit Evropian.

Një ndër to është dhe Spanja sëbashku me katër shtete të tjera. Ministria e Punëve të Jashtme të vendit iberik, ka thënë për “RTV Dukagjinin”  se ende e ruajnë pozicionin për të mos njohur pavarësinë e Kosovës, të cilën e kanë cilësuar si të njëanshme.

“Spanja ruan pozicionin e saj si mosnjohëse e deklaratës së njëanshme të pavarësisë të miratuar nga Prishtina në 2008 dhe mbështet fuqimisht një zgjidhje të pranueshme reciprokisht në kuadrin e Dialogut të Lehtësuar nga BE”, thuhet në përgjigjen e MPJ-së të Spanjës.

Në përgjigjen e tyre po ashtu thuhet se Spanja e mbështet marrëveshjen e Ohrit, të propozuar nga BE për normalizimin e marrëdhënieve në mes të Kosovës dhe Serbisë dhe zbatimi i marrëveshjeve krahas atyre të mëparshme është thelbësor.

“Në këtë drejtim, Spanja mirëpret marrëveshjet e fundit për normalizimin e marrëdhënieve ndërmjet Beogradit dhe Prishtinës, si dhe njeh dhe mbështet përpjekjet e Përfaqësuesit të Lartë të BE-së Borrell dhe Përfaqësuesit Special të BE-së Lajçak. Zbatimi i këtyre marrëveshjeve, krahas marrëveshjeve të mëparshme, tashmë është thelbësor, pasi kjo është një mundësi që nuk duhet humbur”, ka thënë ai.

Përveç Spanjës, shtetësinë e Kosovës, nuk e kanë njohur, Qipro, Greqia, Rumania dhe Sllovakia, të cilat bëjnë pjesë në BE.

 

Të fundit