Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Kosova

Haradinaj "i prerë": Të shkarkojmë Kurtin, nga tradhtia e tij përfiton Putin

Politiko 2 Qershor 2023, 13:03

Haradinaj "i prerë": Të shkarkojmë Kurtin, nga tradhtia

Kryetari i AKK, Ramush Haradinaj mbajti një fjalim në Kuvendin e Kosovës, në lidhje me tensionet që po ndodhin në komunat me shumicë serbe. Ai lëshoi një 'lum' akuzash ndaj kryeministrit Albin Kurti, ku tha se pas kësaj situate, fiton vetëm presidenti Vladimir Putin dhe Rusia.

Haradinaj tha se Kurti ka tradhtuar dhe poshtëruar popullin, duke krijuar mosbesim edhe tek Amerika.

"Ne përballemi me Serbinë dhe me serb, kemi marrëdhënie armiqësore, në disa etapa na është dashur të luftojmë. E dimë rolin e Listës Serbe dhe bandat atje. SHBA i kanë sanksionuar për rolin e tyre. Ku po shkohet Kosova nën udhëheqjen e kryeministrit Kurti? Unë po them mendimet e mia. Mosbesim deri në pabesi", kryeministri Kurti ka ngjall, ka mbjell mosbesim të brendshëm, në çdo palë e çdo proces."

"Në vazhdimësi ka kultivuar një mosbesi dhe në garantin tonë që është Amerika. Ky mosbesim i tij deri në pabesi, sot po ndodh si qeveri e një vendi. Kryeministri Kurti ka mbjellë dhe nxit poshtërim të të gjitha figurave, vlerave të krijuar me mund, disa prej tyre i ka përvetësu por ka vazhdu me poshtëru çdo vlerë të shqiptarëve."

"Kur je kryeministër, kur ke fatin e Republikës, vazhdimi i poshtërimit deri në armiqesi po i sjell pasoja Kosovës. Ka poshtëru popullin e vetë, me i shty deri në poshtërim. Ka elementë të tradhtisë ai i Kurtit. Kryeministri Kurti po vazhdon me mashtru aleatet e sigurisë, garantët tonë dhe mashtrimet e tij shkojnë në tradhti."

"Unë me vazhdu qartë, nuk ndihem mirë me i thenë, por është detyra jonë që të reflektojmë se çfarë po na ndodh. Kush përfiton nga kjo përpos Putinit dhe Rusisë? Nga vazhdimi i logjikës poshtëruese deri në armiqësi. Kush fiton nga mashtrimi i aleatëve tanë? Fiton Rusia. Pra për këtë arsye, ju propozoj të shkojmë në mocion dhe të shkarkojnë qeverinë Kurti", tha Haradinaj.

Të fundit