Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Tensionet në veri të Kosovës/ Eksperti ngre alarmin: Shteti të aktivizojë planin B për barrikadat!

Politiko 22 Dhjetor 2022, 14:36

Tensionet në veri të Kosovës/ Eksperti ngre alarmin: Shteti

Eksperti i çështjeve të sigurisë, gjeneral Ramadan Qehaja ka thënë se konflikti në veri të Kosovës, mund të merr përmasa më të mëdha.

Ai është shprehur pesimist se çështja e heqjes së barrikadave do të zgjidhet përmes mekanizmave politikë.

Ndaj, gjenerali ka kërkuar nga Prishtina zyrtare që të aktivizojë planin B, atë të largimit fizik të barrikadave nga ana e institucioneve të Kosovës.

Qehaja është shprehur i zhgënjyer me KFOR-in, që nuk është në gjendje të bëjë largimin e barrikadave. Ai nuk ka lënë ka kritikuar edhe ndërkombëtarët, duke thënë se po e “ledhatojnë” Serbinë, duke bërë lëshime ndaj saj.

Reagimi i plotë i ekspertit:

Disa mendime/refleksione të shkurtëra lidhur me zhvillimet në veri:

Nuk është e vështirë të konstatohet se gjendja në atë pjesë të territorit tonë është tejet e acaruar dhe me rrezikshmëri të madhe, ngase ekziston mundësia që nga këto veprime siç janë barrikadat, eksplodimet etj. konflikti të merr përmasa më të mëdha. Në këtë situatë atje duhet provuar që të përdorën para së gjithash mjete politike-diplomatike duke qenë gjithnjë në gatishmëri në aspektin taktiko-operativ (në aspektin policor e ushtarak gjykoj) nëse diplomacia nuk jep rezulate në menjanimin e barrikadave dhe krijimin e kushteve për lëvizje të lirë. Megjithëse sipas indikacioneve masat diplomatike vështirë se do të kenë sukses. Prandaj, kreu shtetëror duhet ta ketë një afat të fundit deri kur këto veprime diplomatike do të “shterren’’ për të aktivizuar po e quaj Planin B – atë të largimit fizik të barrikadave nga ana e institucioneve të Kosovës. Sigurisht, për këtë duhet të bëhen plane deri në detaje (nëse nuk është bërë deri më tani) aq më parë që ky është territori i ynë dhe këtu nuk mund të ketë dilema. Vendosshmëria politike dhe ajo morale e forcave të sigurisë duhet të jetë në nivelin më të lartë. Është zhgënjyese që prania e KFOR nuk është në gjendje të bëjë largimin e barrikadave, diçka që ata në mënyrë konstante i referohen maksimës – sigurimi i një mjedisi të qetë dhe liria e lëvizjes.

Është e padiskutueshme që lufta ndaj kriminalitetit dhe propagandës në muajt e fundit në veri të vendit ka qenë e domosdoshme. Sepse dikush është dashur që pas 22 vitesh të fillojë zbatimin e ligjshmërisë në atë pjesë të vendit. Kritikat që i bëhen veprimeve të qeverisë aktuale nga individë e grupacione të caktuara janë të pabazuara dhe bazohen në refrene për stabilitet të ekzagjeruar – refrene këto të cilat i kemi dëgjuar rreth 20 vite por gjithsesi se mosveprimet e mëhershme në veri nuk kanë arritur ta ndryshojnë situatën në atë pjesë.

Vlerësoj se Serbisë vazhdohet t’i bëhen lëshime nga disa qarqe të bashkësisë ndërkombëtare – lëshime këto që me të drejtë kualifikohen nga disa si “ledhatime”. Bazuar në praktikën e deritanishme me Beogradin zyrtar kjo qasje nuk do të jep rezultatet e pritura dhe kjo do të kuptohet me gjasë më vonë se çdo të duhej të kuptohej. Qëndrimet e tilla nga qarqe ndërkombëtare nuk duhet ta dekurajojnë lidershipin tonë për të ndërmarrë veprimet ligjore në veri te vendit.

Krejt për fund, saga e kërkesës së Serbisë për kthimin e 1000 ushtarëve serbë në Kosovë është e destinuar në fillim të dështojë dhe e gjithë ajo që Vuçiq deshi ta arrijë është ta bëjë këtë veprim për konsum të brendshëm.