Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Tensionet për Kosovën, Srebrenicën dhe lidhjet me Rusinë, Vuçiç përballet me pyetje të ashpra nga BBC

Politiko 25 Nëntor 2024, 22:01

Tensionet për Kosovën, Srebrenicën dhe lidhjet me Rusinë,

Presidenti i Serbisë, Aleksandar Vuçiç, ishte i ftuar në emisionin “Hard Talk” të BBC-së, ku përballë gazetarit Stephen Sackur, u pyet për tema të ndjeshme si njohja e Kosovës, masakra e Srebrenicës dhe lidhjet me Rusinë. Gjatë intervistës, Sackur zhvilloi një bisedë të drejtëpërdrejtë dhe sfiduese, e cila në disa raste provokoi reagime nervoze nga Vuçiç.

Lidhur me Kosovën, Sackur theksoi se Serbia nuk do të anëtarësohet në Bashkimin Evropian pa e njohur atë. Vuçiç reagoi duke mohuar çdo njohje të Kosovës nga Serbia, duke e cilësuar këtë pretendim si të pavërtetë. “Ne kurrë nuk e kemi njohur Kosovën. Kjo nuk është thënë apo shkruar asnjëherë. Ne po përpiqemi të jetojmë në paqe,” deklaroi ai.

Pjesë nga intervista:

Vuçiç: Nuk është e vërtetë. Ne kurrë nuk e kemi njohur Kosovën. Kjo nuk është thënë apo shkruar asnjëherë. Ne po përpiqemi të jetojmë në paqe.

Stephen Sackur, gazetar i BBC: Është e qartë se Serbia nuk do të jetë anëtare e Bashkimit Evropian derisa ta njohë Kosovën.

Vuçiç: NATO ka thyer të gjitha rregullat duke bombarduar Serbinë dhe se vendet evropiane që e njohin Kosovën po shkelin Rezolutën 1244 dhe në këtë mënyrë sipas tij ‘duke shkelur kufijtë kushtetues të Serbisë.

Gazetari e pyeti veç të tjerash Vuçiçin lidhur me pjesëmarrjen e tij në radikalët gjatë shpërbërjes së Jugosllavisë, por edhe me ndryshimet e tij, dhe kërkoi të dinte sesi në rininë e tij ishte pjesëtar i radikalëve si i ri.

Gazetari: Ideologjikisht ishim të përkushtuar ndaj idesë së Serbisë së Madhe. Ideja që e çoi Ballkanin në kohë të errëta, në luftë, në krime lufte dhe humbje jetësh. Nuk më vjen turp, e pranoj se kam ndryshuar, por nuk jam dakord me ju se kush është fajtori për problemet në Ballkan dhe shpërbërja e Jugosllavisë, nuk e kam fjalën vetëm për problemet e brendshme në Jugosllavi, por edhe ndaj rolit të Perëndimit jam pjekur, jam i rritur dhe duhet të kujdesem për njerëzit e mi”, u shpreh ai, duke nënvizuar se ka qenë gjithmonë i gatshëm të pranoj se Srebrenica ishte e tmerrshme.

Vuçiç: Askush nuk e kundërshton se ishte një ngjarje e tmerrshme apo se ndodhi. Unë jam gjithmonë i gatshëm të bëj haraç për viktimat, por nuk jam gati të flas në një mënyrë që krijon pyetje dhe probleme të reja politike.