Flash News

Funerali i Papa Françeskut bën bashkë Trump dhe Zelenskyy, ja ç'biseduan

Rikthehen reshjet e shiut, ulen temperaturat, si parashikohet moti sot

Sherr me sende të forta në një rezidencë në Lundër, dyshohet për një të plagosur

Funerali i Papa Françeskut, 4,000 policë do të mbikëqyrin sigurinë nesër në Vatikan

Video/ Minatori i zhgënjyer djeg teserën e PS

Kosova

Thirrja në rrjete sociale për të shkuar drejt Veriut, policia e Kosovës: Mos bini pre e provokimeve

Politiko 1 Qershor 2023, 09:53

Thirrja në rrjete sociale për të shkuar drejt Veriut, policia e

Nëpër rrjetet sociale kanë dalë shumë thirrje për të shkuar drejt veriut të Kosovës, aty ku po ndodhin trazira me popullatën serbe. Policia e Kosovës ka bërë thirrje që qytetarët të mos bien pre e provokimeve.

Autoritetet theksohet se këto thirrje kanë për qëllim dëmtimin e Kosovë dhe qytetarëve të Republikës së Kosovës.

Njoftimi i Policisë së Kosovës:

Policia e Kosovës u bënë thirrje qytetarëve të shpërfillin thirrjet për pjesëmarrje në protestë

Prishtinë, më 01 qershor 2023

Policia e Kosovës është në dijeni se, nëpër media të ndryshme sociale, nga persona dhe profile të ndryshme, janë duke qarkulluar postime me thirrje ndaj qytetarëve shqiptarë, për pjesëmarrje në gjoja protestë masovike, sot në ora 12:00, në Jug të Mitrovicës dhe me synim kinse për marshim në Veri të vendit. Dëshirojmë të sqarojmë se, pas vlerësimeve nga institucionet e sigurisë është vërtetuar se shumë nga këto profile janë të dyshimta dhe se postimet mund të jenë qëllimkëqija, në dëm të vet qytetarëve dhe interesave të Republikës së Kosovës.

Prandaj, Policia e Kosovës fton qytetarët për qetësi dhe të mos bien pre e asnjë gjoja organizimi nga persona të panjohur, por të lënë institucionet e sigurisë, institucionet e Republikës së Kosovës të trajtojnë situatën me profesionalizëm.

Garantojmë qytetarët se institucionet e Kosovës në përgjithësi, e në veçanti Policia e Kosovës, janë plotësisht të aftë dhe të përkushtuar për të garantuar siguri, rend dhe qetësi për të gjithë qytetarët pa dallim.

Ne e vlerësojmë lartë bashkëpunimin dhe mbështetjen e qytetarëve të Republikës së Kosovës, në ruajtjen e paqes dhe stabilitetit në vend.

Të fundit