Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Thyen heshtjen zgjedhore, partitë politike në Kosovë gjobiten me mbi 120 mijë euro

Politiko 17 Shkurt 2021, 17:49

Thyen heshtjen zgjedhore, partitë politike në Kosovë gjobiten me

Partitë politike në Kosovë janë gjobitur me mbi 120 mijë euro për shkak të thyerjes së heshtjes zgjedhore për zgjedhjet e përgjithshme të 14 shkurtit.

Paneli Zgjedhor për Ankesa dhe Parashtresa ka njoftuar këtë të mërkurë se për tre ditë, ka vendosur për 134 ankesa, duke i pranuar 117 prej tyre si të bazuara.

Partia e ndëshkuar më së shumti është Partia Demokratike e Kosovës me 42 mijë e 500 euro. Pas saj vjen Lëvizja Vetëvendosje me 37 mijë e 500 euro. Lidhja Demokratike e Kosovës është gjobitur me 22 mijë euro. Aleanca për Ardhmërinë e Kosovës me 16 mijë e 250 euro. Nisma me dy mijë e Lista Serbe me një mijë euro.

“Natyra e ankesave të paraqitura kanë qenë, heshtja zgjedhore, thyerja e heshtjes zgjedhore gjatë ditës së votimit për të votuar subjektin e caktuar politik, thirrja për të votuar disa kandidatë nëpërmjet portaleve të gazetave, shpërndarja apo postimi i disa fotografive me aktivitet elektoral në rrjete sociale si Facebook, thirrje për të votuar nëpërmjet rrjetit social Facebook, bërja e fushatës me veturë 100 metra afër qendrës së votimit, shpërndarja e SMS-ve për votim te qytetarët, vendosja e banerëve me foto të kandidatëve në afërsi të shkollës, vendosja e posterve të kandidatëve në oborrin e Qendrës së Votimit, mbajtja e fushatës gjatë ditës së votimit”, thuhet në njoftimin e PZAP-së.

Sipas të dhënave preliminare të Komisionit Qendror të Zgjedhjeve, Lëvizja Vetëvendosje fitoi zgjedhjet e 14 shkurtit me rreth 48 për qind të votave.

 

Të fundit