Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Kosova

Vetëvendosje propozon Glauk Konjufcën për president të Kosovës

Politiko 4 Mars 2026, 17:54

Vetëvendosje propozon Glauk Konjufcën për president të
Ministri i Punëve të Jashtme dhe Diasporës, Glauk Konjufca është propozimi i Lëvizjes Vetëvendosje për President të Republikës së Kosovës.

Partia në pushtet bën të ditur se ka ftuar disa herë në takim subjektet më të mëdha opozitare, me qëllim gjetjen e një emri të përbashkët për pozitën e presidentit.

Megjithatë, sipas saj, nga opozita nuk ka pasur propozime konkrete dhe janë refuzuar edhe ofertat me emra të caktuar të paraqitura nga LVV.

“Subjekti ynë politik është i bindur se në vendin tonë ka shumë emra të denjë për këtë pozitë të rëndësishme shtetërore, rreth të cilëve do të mund të ndërtohej një pajtueshmëri për të ecur përpara. Në këtë fazë, zgjedhjet e reja do të ishin krejtësisht të panevojshme”, thuhet në reagim.

Në këto rrethana, LVV ka vendosur të propozojë zyrtarisht Glauk Konjufcën si kandidat për president. Në njoftim theksohet përvoja e tij si ish-kryetar i Kuvendit, deputet i shtatë legjislaturave dhe një nga politikanët më të votuar në historinë e vendit.

Njëkohësisht, LVV u ka bërë thirrje sërish partive opozitare që të propozojnë një kandidat, duke ofruar edhe mbështetje me nënshkrime nga grupi parlamentar i saj, nëse kjo do të ishte e nevojshme për formalizimin e kandidaturës.

“Jemi të bindur se kjo sfidë është e kalueshme, zgjedhjet janë të evitueshme dhe është plotësisht e mundshme të gjejmë pajtueshmëri për të ecur përpara”, thuhet në reagim.

Të fundit